الجمعة 29 مارس 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مرتضى منصور: قلت لأمير وأحمد وأنا داخل السجن اوعوا تعتذروا لـ الخطيب لو انطبقت السما على الأرض

مرتضى منصور
رياضة
مرتضى منصور
الإثنين 27/مارس/2023 - 07:17 م

كشف مرتضى منصور رئيس نادي الزمالك، بعض الكواليس قبل دخوله لقضاء فترة عقوبة الحبس في قضية سب وقذف محمود الخطيب رئيس النادي الأهلي.

تصريحات مرتضى منصور

وقال مرتضى منصور في بيان سجله من منزله عقب استرداد حريته: هوريكم يا جمهور الزمالك يا البعض منكم عامل فيها جمهور وبيقل أدبه في المدرجات، أنا اتساومت بين حبسي و3 حاجات وهما كالآتي أقسط لـ كهربا 5 سنين وده كان على جثتي، وأنسى قضية نادي القرن وشالوا اليفط كلها اللي حوالين النادي، وأقدم اعتذار لـ محمود الخطيب.

وواصل: أنا عارف اتحبست إزاي، ومحمود الخطيب عارف أنا اتحبست إزاي، ومش هسيب حقي، والحكم الصادر في الشهر ده واتقيد أصبح من حقي ومن حق أساتذة القانون والمحامين إنهم يشرحوه، لأن الممنوع إن أنت تتكلم على قضية قدام قاضي لسة منظورة حتى لا يتأثر، والقضية خلاص مش منظورة فمن حقي بقى أقول الحكم ده غلط في كذا.

وأكمل: أنا وأنتم قدام المحكمة إن شاء الله، وإن شاء الله ربنا هيستدعيكم كلكم، عمر على خالد على أحمد على فلان، كلوا هيستدعدى، وربنا هيسألكوا إيه الـ انتوا عملتوه معاه.

وأضاف مرتضى: بعت رسالة لـ أمير وأحمد والعربية داخلة مبنى السجن، قلتلهم أوعوا حد منكم يعتذر لـ محمود الخطيب لو انطبقت السماء على الأرض.

واختتم: أما بالنسبالي، اديني استريحت شوية، والسكر اتظبط وإن شاء الله هنعلن الجهاز الفني في مؤتمر الجمعة الساعة 10:00 في صالة محمد حسن حلمي.

خروج مرتضى منصور من محبسه

وخرج مرتضى منصور، من محبسه أمس الأحد بعد أزمته الأخيرة مع الكابتن محمود الخطيب رئيس النادي الأهلي، وذلك عقب دعوى قضائية اختصمه فيها الخطيب بتهمة سبه وقذفه على قناة نادي الزمالك، والتي أيّدت فيها محكمة النقض حبسه شهرًا واجب النفاذ.

تعليق سليمان وهدان عقب خروج مرتضى منصور 

وكشف سليمان وهدان، عضو مجلس إدارة نادي الزمالك موقف مرتضى منصور رئيس النادي من العودة من جديد لقيادة النادي عقب خروجه من سجنه قائلا: المستشار مرتضى منصور سيحصل على يومين أو 3 راحة، وسيوجد في النادي يوم الخميس المقبل لممارسة عمله بشكل طبيعي كرئيس لنادي الزمالك بعد انقضاء فترة العقوبة، ليعود لقيادة النادي مرة أخرى، وبخاصة أن هذا هو حقه الطبيعي. 

تابع مواقعنا