مرتضى منصور: المشجع اللي مش هيلبس فانلة الزمالك البيضاء مش هيدخل المدرج
تحدث مرتضى منصور رئيس نادي الزمالك عن كواليس فترة حبسه، ومستوى الفريق خلال غيابه، خاصة في بطولة دوري أبطال إفريقيا.
تصريحات مرتضى منصور
وقال مرتضى منصور في لقائه مع مسئولي صفحات سوشيال ميديا الزمالك: الجماهير اللي لبست أسود في مباراة الزمالك والمريخ مش هتشوفو وشهم تاني في المدرجات، والمشجع اللي مش هيلبس فانلة الزمالك البيضاء مش هيدخل المدرج.
وأضاف مرتضى منصور: كانوا عاوزني أقول إن زعل الخطيب على رأسي، ده لو رأسي اتقطعت مش هقولها، ولو كنت قدمت الاعتذار المهين للخطيب، كان جمهور الزمالك هيمشي رأسه في الأرض 100 سنة.
وأكمل رئيس نادي الزمالك: فيريرا أدى واجبه وبشكره.. لكن خلاص الأمور كانت وصلت لمرحلة كان لازم يمشي، فيما أردف: غيابي أثر على الفريق.. والترجي وشباب بلوزداد فازوا على الزمالك وأنا في السجن.
وأردف منصور قائلا: هو رمضان بدأ؟.. اللي شايفه في التليفزيون ده مش رمضان دي مسخرة وقلة أدب، واللي بيحصل على الشاشات ده في كل القنوات مسخرة.. أنا مش مصدق إن رمضان بدأ.
وأكمل رئيس نادي الزمالك: أنا جاي من العمرة.. فاكرِّني كنت في السجن؟.. أنا كنت في نعمة من ربنا وبحط رأسي على المخدة أنام واللي ظلموني مش عارفين يناموا دلوقتي.
واختتم منصور: رفضت الخروج من السجن بليل وأصريت على الخروج بالنهار، علشان يعرفوا إني دخلت أسد وخرجت أسد.
