مي كساب تتحدث عن علاقتها بـ أوكا: كنت بزعل لما يقولولي أني قد أمه وبقيت عايشة في مرحلة الطظ
تحدثت الفنانة مي كساب عن زوجها أوكا، مشيرة إلى أنه أغلى شخص في حياتها وهو نقطة الضعف الوحيدة بالنسبة لها.
مي كساب تتحدث عن علاقتها بـ أوكا
وأكدت مي كساب خلال لقاء تلفزيوني، أنها أصبحت لا تنزعج من تعليقات البعض حول فارق السن بينها وبين زوجها أوكا، مشيرة إلى أن التعليقات في البداية كانت تزعجها ولكن مع الوقت تخطت ذلك الأمر.
وقالت مي كساب: في الأول كانت التعليقات السخيفة بتضايقني زي أني قد أمه وكانت التعليقات بتتكتب بوقاحة فكنت بزعل وبحس بسخافة ولكن دلوقتي بقيت متبلدة المشاعر، لأني اتعلمت أني لما أزعل يكون على حاجة تستاهل، وبقى عندي أولويات في الزعل، وحاليًا عايشة في مرحلة الطظ وهي مرحلة حلوة أوي الدنيا تتقلب وأنا هادية ووصلت لها بعد الأربعين على طول.
مفيش عداءات بيني وبين جوزي
وأكدت مي كساب أنه لم يحدث بينها وبين زوجها أي عداءات، قائلة: عمر ما حصل عداء بيني وبين زوجي محمد لأنه بيحب يشوف مراته ناجحة، وأنا مريت بلحظات يأس وهو اللي كان بيكون داعم ليا كان بيقول لي ما تستسلميش لليأس والإحباط.
وتحدثت مي كساب عن تراجع مشوار أوكا في الغناء، قائلة: مش شايفة أي تراجع لأوكا لأننا في الفن بندور في دايرة ممكن تكوني في أماكن مختلفة جواها، ولكن هو جوه الدايرة وبيشتغل لايف كويس جدًا ومن أحلى النمر، ومرة كنا قاعدين قعدة صفا لقينا أن كل سنة له أغنية ناجحة، لكن هو بياخد وقت كتير عقبال ما يوصل لفكرة وأنا دايمًا بتخانق معاه لما يسرع علشان بيطلع تجارب مش راضي عنها.
وأضافت: بقول يا رب أكون في نص جمهوره وبقول له أني مبسوطة أن جمهورك شايفاك في حتة معينة، وجمهوره تعود منه أنه صاحب فكرة فبيلوموا عليه لما يعمل حاجة مش قد توقعاتهم وهو أحلى حاجة في حياتي مش عندي أغلى منه نقطة ضعفي الوحيدة.
مسلسل جعفر العمدة
وتشارك مي كساب في مسلسل جعفر العمدة بطولة الفنان محمد رمضان والذي يعرض حاليًا صمن الموسم الرمضاني ويلاقي تفاعلًا كبيرًا من قبل الجمهور، وتقدم مي كساب دور زوجة جعفر ويضم العمل أيضًا كل من زينة، هالة صدقي، إيمان العاصي، مي كساب، منة فضالي، أحمد داش، منذر رياحنة، عصام السقا، فريدة سيف النصر، مجدى بدر، أحمد فهيم، فتوح أحمد
