قصة كفاح بائعة كنافة ببني سويف: بقالي 17 سنة بشتغل عشان أربي عيالي بالحلال | بث مباشر

قصة كفاح بطلتها سيدة تدعى أم محمد، مقيمة في محافظة بني سويف، والتي تفترش الأرض من أجل بيع الكنافة البلدي على الرصيف، بحثًا عن مصدر رزق حلال لتتمكن من خلاله من تولي مسئولية الإنفاق على أبنائها الـ 5 ومساعدة زوجها في تلبية طلبات الأسرة.

قصة كفاح بائعة كنافة ببني سويف

وقالت السيدة أم محمد، إنها تفترش الأرض وتبيع أكياس من الكنافة البلدي والبلح والليمون؛ حتى تستطيع أن تحصل على المال اللازم لها للإنفاق على أبنائها.

وتابعت: أنا معايا 4 بنات وولد وبضرب كل يوم مشوار حوالي 15 كيلو متر عشان أصرف عليهم، بقالي 17 سنة بفرش على الأرض عشان أبيع وأشتغل، بشتغل وأنا صايمة في عز الحر والشمس وربنا هو اللي بيقويني.

وأضافت السيدة أم محمد، أنها لا تملك أي مصدر دخل لها آخر، لافتة إلى أن مكسبها من بيع الكنافة وبعض الأغراض الأخرى يصل إلى نحو 30 جنيهًا فقط.

كما أوضحت أنها تبدأ عملها في تمام الساعة التاسعة صباحًا وتعود إلى منزلها عندما تنتهي من عملها فـ ليس لها ميعاد محدد.

واختتمت: إحنا راضيين بـ نصيبنا وقسمتنا اللي ربنا كتبها لينا، الحمد لله فضلت أكافح لحد ما ربنا كرمني وجوزت بناتي الأربعة من غير ما حد يساعدني ربنا هو اللي كرمني من فضله وسترني، الستر ده بيبقى من عند ربنا مش من العبد.