ميدو: كهربا بيظلم نفسه بتصرفات تافهة ملهاش لازمة.. والعقوبة سيتم تخفيفها
يرى أحمد حسام ميدو، أن محمود عبد المنعم كهربا لاعب الأهلي يظلم نفسه بتصرفاته، مما أدى في النهاية لإيقافه 12 مباراة وتغريمه مليون جنيه.
ميدو: كهربا بيظلم نفسه بتصرفات تافهة ملهاش لزمة
وقال ميدو في تصريحات تليفزيونية: كهربا بيضيع كل اللي بيعمله عشان خاطر تصرفات كان ممكن يتفادى تلك التصرفات تماما، وكل واحد بيحاسب على فاتورته لوحده، وحسابه لوحده، بيعمل حاجات ملهاش لازمة تصرفات تافهة من وجهة نظري.
وأضاف: كهربا بيظلم نفسه باللي بيعمله، ولازم يركز في الملعب الناس في مصر ما بتصدق تلاقي لاعب كويس.
ميدو: عقوبة كهربا سيتم تخفيفها
وفي السياق نفسه، كشف أحمد حسام ميدو، رد فعل الأهلي بعد عقوبة محمود عبد المنعم كهربا والذي تم إيقافه 12 مباراة من جانب لجنة الانضباط بالاتحاد المصري لكرة القدم.
وقال: كهربا سيستمر في المشاركة في المباريات خلال الفترة المقبلة بعد تقدم الأهلي باستئناف أو تظلم على العقوبة الصادرة ضد اللاعب.
واختتم: العقوبة سيتم تخفيضها بالطبع، ولكن أقول لكهربا لابد من أن تتعلم، وكهربا بوظ كل اللي عمله وكل ده بيعلمك إن إنت بتعطل نفسك بنفسك.
ويستعد الأهلي للتقدم بطعن على قرار إيقاف كهربا، بمجرد استلام الإقرار الرسمي بالعقوبة من لجنة الانضباط.
