حمادة هلال عن ظهور العفاريت لـ لوسي بعد مشاركتها في المداح 3: فنانة جميلة لكن مأفورة شوية
علق الفنان حمادة هلال على التصريحات الأخيرة لـ الفنانة لوسي بطلة مسلسله الرمضاني المداح 3.
وقال الفنان حمادة هلال، خلال لقائه مع القاهرة 24: لوسي فنانة جميلة ونجمة كبيرة ممكن تكون واخده الأمور بشكل أوفر شوية، الجو كان برد اليوم ده وهي كانت لابسه خفيف وجتلها رعشة، وأنا كنت عامل 3 أجزاء كان زماني كاير في الجو.
تصريحات حمادة هلال
وتابع الفنان حمادة هلال حديثه عن المنافسة في رمضان 2023، وكواليس الجزء الثالث من مسلسل المداح، حيث قال: عمري ما فكرت في المنافسة، دايمًا أتعب وأنزل ويارب يكرمنا كلنا، وبقرأ وأتفرج وبشوف مين اللي بيعمل الحاجه صح، والتركيز مع المؤلفين وهم الناس اللي بتبحث وبتتعب.
وأردف حمادة هلال: أحب أقوله أخويا أحمد سمير مخرج كبير، وربنا رزقنا بيه، وكلنا صحاب ومثلث واحد، وكل الناس تعبت جدًا، علشان نطلع عمل شكله كويس، ولو في مجال لجزء رابع نطله رؤية، وأحمد سمير بيحب الغموض والتشويق، ودرامتنا دراما مختلفة تمامًا، وده اللي خلاني متمسك بالنجاح، ومفيش صراع حوليك، وبتعمل حاجه لوحدك، وشرف كبير إن كل النجوم موجودين في المسلسل، في الأخر كلنا بننجح.
حمادة هلال: محدش حصله حاجه في الكواليس
واستكمل حمادة هلال: محدش حصله حاجه في الكواليس، ومش بكدبهم بلاش نتكلم في حاجه مبتحصلش، واللي عملوا المحلات والمطاعم باسم المداح، المفروض أخد نسبة منهم، بس ربنا يرزقهم.
