دنيا سمير غانم: شكرًا لجوزي اللي دايمًا بيدعمني ولكايلا اللي أبهرتني
وجهت الفنانة دنيا سمير غانم رسالة شكر لزوجها الإعلامي رامي رضوان، كما أعربت عن سعادته الشديدة بمشاركة ابنتها في مسلسلها جت سليمة.
ونشرت دنيا سمير غانم صورًا لابنتها كايلا من كواليس مسلسل جت سليمة، خلال حسابها الرسمي بموقع الصور والفيديوهات انستجرام، معلقة: شكرًا للمخرج العمل إسلام خيري اللي تعب جدًا في العمل ده شكرًا لكل طاقم العمل، ولكل فرد شارك في النجاح الكبير ده الحمد لله، شكرًا على حبكم وخوفكم عليا اللي أنا كنت حاساه في كل لحظة وأنا بشتغل.
وتابعت دنيا سمير غانم: شكرًا للجمهور العظيم اللي بعد كل عمل بيثبتلي إن ليا أهل في كل البيت الحمد لله، وبيخليني أعمل أقصي ما عندي عشان أكون عند حسن ظنكم شكرًا لجوزي وحبيبي رامي رضوان اللي دايما بيدعمني وبيفرح لنجاحي.
واختتمت: وأخيرًا بقى شكرًا لروح قلبي وحياتي نجمتي الصغننة اللي نورتني وأبهرتني أنا شخصيا ما شاء الله ربنا يحفظك يا قلبي، ويكتبلك الخير والسعادة أنتِ وكل أطفالنا ويا رب مستقبلكم يكون منور وحظكم أحسن مننا يا رب كل سنة وأنتم طيبين.
مشاركة كايلا ابنة دنيا سمير غانم في مسلسل جت سليمة
وشاركت كايلا ابنة الفنانة دنيا سمير غانم، والإعلامي رامي رضوان في الحلقة 12 من مسلسل جت سليمة، ولاقت العديد من الإشادات والتعليقات الإيجابية بعد ظهورها على الفور.
