هالة صدقي: خايفة من نجاحي في جعفر العمدة ومش عارفة هعمل إيه بعده
أعربت الفنانة هالة صدقي، عن سعادتها بنجاح مسلسل "جعفر العمدة"، الذي خاض السباق الرمضاني هذا الموسم.
تصريحات هالة صدقي
وقالت هالة صدقي، خلال لقائها مع الإعلامية منى الشاذلي ببرنامج "معكم" الذي يذاع على قناة cbc، مساء السبت، إن نجاحها في تقديم شخصية صفصف بمسلسل جعفر العمدة، هو نجاح لكل بنات جيلي، مضيفة: خايفة من نجاحي في جعفر العمدة ومش عارفة هعمل إيه بعده".
وأضافت: كل الأدوار اللي هتجيلي بعد كدة هتبقى صفصف، ولما نجح دوري في حسن أرابيسك، جالي أدوار بعدها نفس شخصية توحيدة في المسلسل، وأنا كنت برفض، أنا كنت خايفة على نجاح توحيدة، وصممت أبعد عن الشعبي.
وتابعت: في تشابه كبير بيني وبين صفصف، أنا شعنونة، بس الناس بتفهمني غلط، أنا مش بعرف أزوق الكلام، والقريبين مني أوي فاهمين ده أوي، اللي عارفني فاهم ده، واللي مش عارفني كويس هيتخض.
وأكملت الفنانة هالة صدقي: متأكدة إن كل الأدوار اللي هتجيلي بعد كده هتكون زي صفصف.. دي مشكلة هواجهها خلال الأعمال بتاعتي القادمة.
