فرحان بالكاميرا.. اللص الطريف صور نفسه بموبايل مسروق ونشرها على مواقع التواصل
في واقعة سرقة طريفة، تداول رواد مواقع التواصل الاجتماعي، عدد من الصور بشأن واقعة سرقة هاتف محمول، حيث قام السارق بتصوير نفسه بكاميرا الموبايل، ووصلت إليها صاحبة الموبايل من خلال حساب جوجل، لـ ينهال سيل من التعليقات حول السارق.
وكتبت أحد رواد مواقع التواصل الاجتماعي، في منشور لها عبر تطبيق فيسبوك، يا جماعة الخير الحرامي ده لقى موبيل قريبتي وتواصلنا معاه وقال هيرجعه وقفل الموبايل وطلعنا الصور اللي متصورها من الموبايل بالأكونت من جوجل، ياريت شير لحد ما نوصله وعملنا محضر في القسم بصوره وياريت تساعدونا نوصله.
تفاعل السوشيال ميديا مع السارق
وكتب أحمد عماد، في تعليق له على المنشور، خدوا حساب الموبايل بس سيبوا الراجل ده يضحكنا، فيما قال آخر: على فرحته دي أنا لو منك اديهوله، مبسوط أوي به سيبهوله، سيبوه شكله فرحان به.
وقالت يمنى سعد: ثقته في نفسه مقوية قلبه يا أخي دا أنا مبتصورش بموبايلي بنفس الثقة دي، وعلق مصطفى فتحي: حرام تخدوه منه ده مبسوط بيه أوي.
وكتب علي: افرضي ده مش الحرامي، والحرامي باعه للشخص دا.. هتلبسوا أحلى قضية تشهير.
وعلقت إسراء جمال على المنشور، قائلة: أكيد مش هو الحرامي اللي سرق الفون لإن لو سرقه كان هيعمل سوفت وكل حاجة هتتمسح من عليه.. ليه مكلمتيش أي ضابط يخلصلك الموضوع دا، وبعدين شكله فون ميعديش الـ 2000 جنيه أصلًا.
