سنجل ولا مرتبط.. إيموجي الكمثرى للتعبير عن الحالة الاجتماعية عبر السوشيال ميديا
تداول رواد السوشيال ميديا مواقع التواصل الاجتماعي، إيموجي الكمثرى في العديد من المنشورات خلال الساعات القليلة الماضية، تريند إيموجي الكمثرى، والذي أصبح له دلالة تشير لـ الحالة الاجتماعية والعاطفية لصاحب الحساب سنجل ولا مرتبط، مع تبادل الصور والفيديوهات إنستجرام أو فيسبوك.
تريند الكمثرى للتعبير عن الحالة العاطفية
وحسب ما تم تداوله عبر وسائل السوشيال ميديا منصات التواصل الاجتماعي، يتم وضع إيموجي الكمثرى في البايو الخاص بالحساب، ليشير إلى الحالة الاجاماعية والعاطفية لصاحب الحساب، وأنه غير مرتبط عاطفيًا سنجل، ليصبح إيموجي الكمثرى حديث السوشيال ميديا ويستخدمه الكثير من السناجل.
وقالت البلوجر رانيا يحيى، من خلال منشور لها عبر صفحتها الشخصية بتطبيق فيسبوك: فيه تريند عالمي دلوقتي إن كل السناجل يحطوا في البايو بتاعهم على إنستجرام إيموجي الكمثرى عشان يتعرف إنه مش مرتبط بدل ما هو مشبوه على الفاضي، ويدوروا على بعض، وطبعًا إحنا مش هنمشي ورا الكلام الفاضي ده.
وكتب تامر عاطف: في منشور عبر فيسبوك، خلصنا من تريند الأرقام وفهمناه.. ندخل في تريند الكمثرى أو بمعنى أصح ندخل في الموضوع على طول بصوت طلعت زكريا الله يرحمه، كلنا شايفين النهاردة إن البوستات مليانة كمثرى مع إن لا ده أوانها ولا مكانها لكن اتفقوا شباب الفيسبوك إن اللي سنجل سواء ولد أو بنت يعمل بوست به كمثرى معناه إنه سينجل بائس لعل وعسى حد يعبره ويكلمه وتتغير الحالة بدال ما سينجل بائس لمرتبط بائس بردو، وراكم وراكم يا بتوع الترندات وقاعد لكم بالمرصاد.
وقال طه محمد: عشان الناس اللي مش فاهمة إيه موضوع الكمثرى، فيه تريند دلوقتي في العالم، إنه عشان الناس تبقى عارفة إنك سينجل ومش مرتبط بتحط إيموجي كمثرى في بروفايلك، وكدا أي حد هيشوف البروفايل هيفهم إنك مش مرتبط وكدا، ودا بيساعد الناس الي مفهوم عنهم بالغلط انهم مرتبطين ومش متاحين للارتباط، إن الناس تعرف إنهم سناجل.
