مرتضى منصور يعلن اعتذار الزمالك عن خوض السوبر أمام الأهلي
أعلن مرتضى منصور، رئيس نادي الزمالك المعزول بحكم قضائي، اعتذار الزمالك عن خوض مباراة السوبر المصري أمام الأهلي.
مرتضى منصور يعلن اعتذار الزمالك عن خوض السوبر أمام الأهلي
وقال منصور في فيديو عبر يوتيوب: الموضوع بدأ بوقف القيد، مش معقول اللي حصل ده، تخسرني 3 لاعيبة في وقت مهم كنت محتاجهم فيه، والتعنت اللي عامله جمال علام مع الزمالك غير مقبول.
وأضاف: مش ممكن لاعب هربان من الزمالك، وعقده ساري، والفيفا وقع عليه عقوبة، والانضباط الدولية وقعت عليه عقوبة.
وواصل: لما لجنة الانضباط باطلة يا محمود يا خطيب لما تطلع عقوبة عندك ولما تطلع عقوبة ضدي بغرامة 300 ألف وحرماني من المباريات شهرين.. ايه التهريج ده.
وتابع: لما هي باطلة كهربا حضر التحقيق قدامها ليه، مش هي باطلة هو في كده، هنروح نشترك في ايه هنروح نشترك في مهزلة وجايب حكام مصريين.
واختتم: كل الضغوط اللي عليا خلال آخر 48 ساعة من أجل خوض المباراة، وخدت القرار مع المجلس، بعتذر عن خوض السوبر، وبعتذر للشعب الإماراتي المحترم، وبعتذر للجمهور اللي قطع التذاكر واتحاد الكرة بوظ الدنيا.
