غادة عبد الرازق: أنا مسامحة محمد سامي.. ومعذور لو لسه متضايق مني
ردت الفنانة غادة عبد الرازق، على إمكانية عودة العلاقة بينها وبين المخرج محمد سامي مرة أخرى، بعدما أثارت جدلًا مؤخرًا بتعليق لها على حسابه الشخصي بـ انستجرام، بعد الخلافات التي دامت بينهما لسنوات.
وقالت غادة عبد الرازق خلال ندوتها بالقاهرة 24: الخلافات بيني وبين محمد سامي خلصت من زمان، ولما بنتقابل بنسلم على بعض طبعا، وهو نزل بوست في كلام ربنا فـ أنا لازم أرد زي ما برد على أي حد، ومش هنسى إني في يوم من الأيام أكلت عيش وملح معاه.
وتابعت: وحتى لو هو عنده ضغينة من ناحيتي أنا معنديش من ناحيته أي حاجة وحشة، وبقول دايما إن وقت ما الموقف بيحصل بيكون الشيطان بينا، وكل ما بكبر بفكر إن كان ممكن الدنيا كانت تكون أبسط من اللي حصل، فلازم ألاقيله هو كمان عذره لو هو متضايق مني، ومحصلش إننا نتفق على أي عمل من بعد مع سبق الإصرار وحكاية حياة.
وسبق وتحدثت غادة عبد الرازق، عن الوشوم التي ترسمها بجسدها، وقالت: عندي 4 تاتوهات، بس هشيلهم عشان حد قالي إنهم حرام ولما الواحد بيروح عند ربنا بيضطروا يشيلوا طبقة من الجلد أثناء الغُسل.
مسلسل تلت التلاتة
على جانب آخر، يعد مسلسل تلت التلاتة، آخر أعمال الفنانة غادة عبد الرازق، وشارك به عدد من الفنانين، أبرزهم محمد القس، أحمد مجدي، ليلى أحمد زاهر، صلاح عبد الله، وآخرين.
