مخرج الصف الأخير: بيومي فؤاد مختلف عن جميع فناني الكوميديا.. والأطفال عملوا مظاهرة عشانه
كشف المخرج شريف محسن تفاصيل فيلمه الصف الأخير، بطولة بيومي فؤاد وتيام مصطفى قمر، مؤكدًا أن الفيلم كان تجربة مثمرة بالنسبة له.
وقال شريف محسن لـ القاهرة 24: مرينا بـ صعوبات كتير في فيلم الصف الأخير، لأن كان فيه ضغط عصبي أثناء التصوير بسبب ضيق الوقت وكان فيه سفر كتير وكنا بنصور في البحر، وعملنا مجهود ذهني وبدني، ودا الشيء الوحيد السلبي في التجربة وفي النهاية فيلم الصف الأخير تجربة مثمرة بالنسبة لي.
كما تطرق شريف محسن للحديث عن تعاونه مع بيومي فؤاد، قائلا: بيومي فؤاد مختلف عن جميع فنانين الكوميديا في مصر وحصلت مظاهرة من الأطفال بسببه بعد ما أهل بنها عرفوا أننا بنصور هناك، ومكنتش متوقع شعبيته لهذه الدرجة وكان معانا حماية طول الوقت ومقدرناش نكمل المشهد بسبب التفاف الأطفال حوله.
شريف محسن: تيام مختلف عن فنانين جيله ومش بيقلد حد
كما كشف المخرج شريف محسن سبب اختياره لـ تيام مصطفى قمر وبيومي فؤاد لبطولة الفيلم، قائلا: اختيار بيومي كان بناءً على السيناريو؛ لأن السيناريو لايق عليه وكنت بتخيله في الدور طول ما كنت بكتب، إنما تيام اختارته بسبب سنه لأني مش عايز راجل سنه كبير وكنت عايز أبين أن البطل ذكي ولكن معندهوش خبرة واكتشفت أن فيه تفاصيل مميزة أنه مختلف ومش بيقلد فنانين جيله ومش شبه حد ولما قابلته اتأكد من كل دا.
