تامر هجرس: عليا أقساط.. والأجور الأوفر للفنانين ولاعيبة الكرة ماتنفعش مع اللي بنمر بيه | فيديو
تحدث الفنان تامر هجرس عن أدوار ضيف الشرف التي يلعبها وهل يكسب منها ماديًا أم لا، وبجانب ذلك حديثه عن رأيه في أجور الفنانين.
وقال تامر هجرس خلال حواره مع القاهرة 24: دور ضيف الشرف مش مرتبط بالفلوس، لأني ممكن أكون ضيف شرف واخد ملايين.. وفيه أدوار ضيف شرف قدمتها حققت نجاح كبير أكتر من العمل نفسه، ومهم جدًا بالنسبة لي إنه يكون دور مؤثر في الفيلم أو المسلسل.
وعن رأيه في أجور الفنانين، أوضح تامر هجرس: مش بس أجور الفنانين اللي أوفر.. في كمان لاعيبة كورة.. ومينفعش مع اللي احنا بنمر به اقتصاديًا بني آدم واحد ياخد المبالغ دي كلها، ولازم يكون في سقف معين منتخطاش السقف ده.
وأعرب تامر عن رأيه في مهنة التمثيل والربح منها: شايف أن أي وظيفة ممكن تأكل عيش مش الفن بس، ولكن على حسب انتي عايزة عيش قد إيه.. وأنا كـ فنان عندي أقساط عادي.
آخر أعمال تامر هجرس
يعد فيلم شوجر دادي، آخر أعمال تامر هجرسن والذي يعرض حاليًا في السينمات، ويضم العمل عددا كبيرا من النجوم أبرزهم، ليلى علوي، بيومي فؤاد، حمدي الميرغني، الراقصة الاستعراضية جوهرة، مي الغيطي، فرح الزاهد، وعدد آخر من الفنانين، والفيلم من تأليف لؤي السيد وإخراج محمود كريم.
وتدور أحداث الفيلم في إطار كوميدي حول رجل يمر بأزمة منتصف العمر يدعى شوقي ويلعب دوره الفنان بيومي فؤاد، وتقوده مراهقته المتأخرة إلى إقامة علاقة سرية مع راقصة، لتنقلب حياته وحياة أسرته رأسًا على عقب.
