مروة عبد المنعم: أشعر بالظلم في الوسط الفني.. وداليا البحيري صالحتني لهذا السبب
حلت الفنانة مروة عبد المنعم ضيفة الإعلامي عمرو الليثي في برنامج واحد من الناس، على شاشة قناة الحياة، وتحدثت عن العديد من الموضوعات داخل الوسط الفني وخارجه.
وقالت مروة عبد المنعم: عمري ما رفعت التليفون وطلبت شغل من حد، وكنت بشتغل كويس، ولكن فجأة كل الدنيا وقفت مروة واحدة ومحدش بيبعتلي أدوار خالص دلوقتي، وعملت مشروع المسرح بتاعي ومحدش من زملائي في الوسط اتصل عليا يباركلي، والشلالية هي اللي بتحكم الوسط للأسف.
أما عن مشاركتها في مسلسل يوميات زوجة مفروسة مع الفنانة داليا البحيري وخالد سرحان، أوضحت مروة عبد المنعم: النضارات اللي استخدمتها في المسلسل كانت مناسبة للعمل، ولما بعمل شخصية برسم لها شخصية كارتونية، وكانت النظارة الكات طالعة موضة وقتها، وداليا البحيري كانت لابسة نظارة بردو، ورفضت إني ألبسها علشان ما نبقاش احنا الاتنين لابسينها في نفس المشهد، وعلشان تصالحني قالت لي هجيبلك شوية نضارات تانية واختاري منها، وكنت كل موسم البس واحدة جديدة.
آخر أعمال مروة عبد المنعم
يعد مسلسل عالم تاني هو آخر أعمال مروة عبد المنعم، والذي عرض في بداية العام الجاري، وشارك به العديد من الفنانين، منهم: رانيا يوسف، نضال الشافعي، فريال يوسف، فراس سعيد، سميرة صدقي، تميم عبده، إلهام عبد البديع، حسام فارس، مصطفى حشيش، أيمن عزب.
