الأربعاء 21 فبراير 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ياسمين عز عن معرفتها بمقلب رامز جلال: حلقتي معاه كانت للتاريخ لأني كاريزما طاغية | فيديو

ياسمين عز
فن
ياسمين عز
الخميس 01/يونيو/2023 - 07:30 م

عادت الإعلامية ياسمين عز لتقديم برنامجها من جديد، بعد فترة غياب بداية من شهر رمضان الماضي، حيث استضافت اليوم في برنامجها على فضائية أم بي سي مصر، الفنانة وفاء عامر.

وقالت ياسمين عز في أولى حلقات برنامجها بعد عودتها من الإجازة: وحشتيني يا مدام والله العظيم وما تستغربوش، وحشتيني يا نن بؤبؤ عين قلبي من جوه، وأكيد وحشتني حماتك وأختك جوزك أكتر، وعارفة أني وحشتكم وأنكم ما بقتوش قادرين على غيابي ولكن قطعنا الإجازة ورجعت ليكم ومحضرة ليكم مفاجآت وفقرات جديدة، وأهم حاجة مش عاوزكي تخافي بليل ومش عاوزة حالة الأرق تيجي ليكي طول ما البرنامج شغال، وتنامي وأنت حاطه إيدك على قلبك وخايفه من الكلام اللي هقوله لأني هقول كل حاجة.. ولن أتراجع ومش هتغير تحت أي ظرف.

وأضافت ياسمين عز: هفضل أقول كل اللي مؤمنة به واللي مقتعة به لأن مفيش كرامة بين الراجل ومراته وأول ما تتجوزوا بتحطوا الكرامة في الدرج.. وهنفضل نتكلم في الأصول واللي أتربينا عليها واللي أمهتنا وجدتنا علموها لينا، ودلوقتي بيقولوا عليها موضة قديمة، وعاوزاكي تطمني وتتأكدي أن هذا البرنامج لن يتغير مع الحق والأصول، وربنا هيحاسبني على الكلام اللي بقوله، ولكن أنا بنام طفلة بريئة هانئة وضميري مرتاح لأني بدعو للسكينة والمودة والاحترام وعمري ما هنام وأنا مسخناكي على جوزك.

ياسمين عز تكشف حقيقة معرفتها بمقلب رامز جلال 

كما تحدثت ياسمين عز عن حلقتها مع الفنان رامز جلال في برنامج رامز نيفر إند التي عرضت ضمن الموسم الرمضاني الماضي، مؤكدة أنها لم تكن تعرف بالمقلب.

وقالت ياسمين عز: طبعًا كلكم شفتوني في رمضان مع رامز جلال هذا الفرعون الملعون المنشق عن القبيلة وكانت حلقة للتاريخ، وأنا اتفرجت عليها وشفت نفسي وأنا داخلة، كاريزما قاتلة وطاغية وحاجة مش معقولة، واللي عنده كاريزما أحسن من اللي عنده فلوس، ولما اترش في وشي طفاية حريق فضل وشي يلمع من البريق سبحانك يا ربي ما أتغيرتش.

وأضافت ياسمين عز: كلكم علقتوا على المراية اللي مسكتها في البرنامج، هي كانت في جيبي اليمين والروج الأحمر في جيبي الشمال ولو كان عندي جيبين ورا والله كنت حطيت بلاشر، ولكن ما كانش عندي جيوب للأسف، ده أنا لو أطول البس تاج كنت لبسته لأني أميرة ولأني بحترم الفرعوا الكبير الصغير.

وتابعت كاشفة حقيقة معرفتها ببرنامج رامز جلال: السؤال الأهم اللي جالي بعد حلقتي مع رامز هل كنت عارفة المقلب.. أنا مش هحلف وخلال السنتين اللي فاتوا في برامج كتير بتكملني ضيفة ولكني برفض، ولو أنا عارفة وده طبعًا مش صح، مش هيقعدوا يكلمومي من لبنان ومصر ويتفاوضوا أني أكون في البرنامج، ولو أعرف ما كنتش روحت ومسامحة الفرعون الملعون رامز لأن الفرعون يعمل اللي هو عاوزه.

تابع مواقعنا