خايف يبقى دوري جاي.. وفاة شاب بسكتة قلبية في الأقصر بعد تنبؤه برحيله | بث مباشر

خيم الحزن على الأهالي في محافظة الأقصر، عقب أن لفظ شاب يدعى محمود 25 عامًا أنفاسه الأخيرة وفارق الحياة نتيجة إصابته بسكتة قلبية مفاجئة، وذلك جاء عقب أن تنبأ بوفاته منذ أيام قليلة، من خلال منشور كتبه عبر حسابه الشخصي على موقع التواصل الاجتماعي فيس بوك.

وفاة شاب بسكتة قلبية مفاجئة في الأقصر

وكتب الشاب محمود، منشورًا عبر حسابه على موقع فيس بوك، قائلًا: الوضع بقى صعب كل دقيقة والتانية حد يتوفى تعرفه من بعيد أو قريب، كل شوية تلاقي حد منزل خبر وفاة حد عزيز عليه بجد بقيت خايف.. خايف على كل اللي بحبهم وحواليا في لحظة أفقد حد فيهم، الموت مبيفرقش مين صغير ومين كبير، مين بيبني حياته ومين لسه.

وتابع الشاب: خايف دوري أو دور حد قريب مني يبقى اللي جاي، الحياة فعلًا طلعت مش مستاهلة أي حاجة من اللي بنعملها غير إننا نحب بعض ونفضل قريبين من بعض، خافوا على بعض محدش عارف مين ماشي امتى، ممكن تبقى لسه قاعد مع صاحبك وسبته وبعدها بشوية تسمع خبر وفاته، ممكن يختفي يومين تلاتة سواء زعلان أو مشغول تكتشف أنه في الحقيقة مبقاش عايش.

واستكمل الشاب في منشوره عبر فيسبوك: أرجو من أي حد شاف مني موقف وحش أو أي حاجة ضايقته مني يسامحني، وأنا مسامح الكل لأن الدنيا فعلًا طلعت مش مستاهلة إننا نزعل من بعض ونتفرق ليوم واحد لأننا كده كده هنتفرق متستعجلوش.

وفي السياق ذاته، انتشرت حالة كبيرة من الصدمة والحزن عبر صفحات التواصل الاجتماعي في محافظة الأقصر، عقب تداول نبأ وفاة الشاب محمود، حيث انهالت تعليقات المتابعين داعين المولى عز وجل أن يتغمده بواسع رحمته.