بعد أزمة حصوله على التأشيرة.. محمد رحيم يسافر إلى فرنسا لاستلام درع الإبداع الماسي
استطاع الملحن محمد رحيم السفر إلى باريس وحل أزمته، بعد إعرابه عن حزنه الشديد؛ بسبب عدم قدرته على استخراج تأشيرة السفر إلى فرنسا، لاستلام تكريمه من جمعية Sacem.fr العالمية.
وتواصل القاهرة 24 مع محمد رحيم، لمعرفة تطورات أزمته مع السفر إلى باريس، الذي أكد أن مشكلته تم حلها، وأنه بالفعل استطاع السفر، قائلا: أنا هنا في باريس خلاص المشكلة اتحلت الحمد لله.
أزمة محمد رحيم مع السفر إلى فرنسا
كان كتب محمد رحيم منشورا، عبر حسابه على فيس بوك، راويا فيه أزمته مع عدم قدرته على السفر، بسبب عدم استطاعته استخراج تأشيرة السفر إلى باريس؛ لاستلام جائزته من جمعية Sacem.fr العالمية، وهو درع الإبداع الماسي، وجاء مضمون المنشور على النحو التالي: نجاح عالمي يضيع على مصر بسبب تأشيرة السفر.. إحساس بالظلم والقهر ملوش وصف ولا تشبيه.
وتابع رحيم: لما تقعد تشتغل 25 سنة تبذل فيهم أكبر مجهود علشان تثبت نفسك وتحاول يكون ليك مكان، وبعد ما ربنا سبحانه وتعالى يكرمك وتنجح وتشتغل مع أكبر نجوم عمرو دياب ومحمد فؤاد وحميد الشاعري في نفس الشهر وأنت عندك 19 سنة، تدخل في محنة وتحدي أكبر منه بكتير اسمه الحفاظ على النجاح، ومن ساعتها تبدأ رحلة أكثر جدية ومجهود بتشتغل في اليوم 20 ساعة.
وأضاف محمد رحيم: وتلاقي أكبر جمعية مؤلفين وملحنين في العالم sacem باريس تبعتلك أنت الوحيد دعوه للتكريم أنت وأسماء معدودة من كوكب الأرض علشان تيجي تاخد شهادة الاحتراف الدولية الذهبية ومفيش مذيع يستضيفك يقولك احكيلنا ازاي حققت العالمية ورفعت اسم بلدك وأنت قاعد في مصر ووصلت فنك لكل دول العالم.
وأردف راويا تفاصيل مشكلته: كنت أتمنى أروح أرفع علم مصر من فرنسا وأقول إن ده إهداء لكل المبدعين المصريين ولبلدي أم الدنيا لكن للأسف مفيش تأشيرات بتصدرها سفارة فرنسا قبل شهر أغسطس والحفلة بكره إن شاء الله في باريس 13/6 وللأسف مش هقدر أروح علشان مفيش visa انتوا متخيلين الكارثة والعبث.
