محامي نيرة أشرف أثناء زيارة قبرها: نيرة مش مبسوطة رغم إعدام قاتلها | بث مباشر

زار المحامي خالد عبد الرحمن، دفاع نيرة أشرف، طالبة جامعة المنصورة المقتولة، قبرها اليوم الثلاثاء 20 يونيو 2023، رفقة والدها تزامنًا مع حلول الذكرى السنوية الأولى على رحيلها، عقب فقد حياتها على يد المتهم محمد عادل، والذي قتلها طعنًا بالسكين وذبحها أمام جامعة المنصورة في محافظة الدقهلية.

الذكرى السنوية الأولى لرحيل نيرة أشرف

وظهرت علامات التأثر والحزن على وجه المحامي خالد عبد الرحمن، أثناء وجوده أمام قبر الضحية نيرة أشرف، حيث ذرفت الدموع من عينه تزامنًا مع الذكرى السنوية الأولى لرحيلها.

وقال المحامي خالد عبد الرحمن: أنا زُرت قبر نيرة انهارده مش عشان أدعيلها.. بس عشان فيه حوار قائم بيني وبينها عشان أشوف طلباتها إيه.. فيه خطاب روحاني بيني وبين نيرة زي تصفية الحسابات.

وأضاف أنه على الرغم من تنفيذ حكم الإعدام على المتهم محمد عادل يوم الأربعاء الماضي، إلا أن الضحية نيرة أشرف ليست سعيدة، قائلًا: نيرة مش مبسوطة حتى بعد تنفيذ حكم الإعدام.. أنا حسيت بـ تنميل في دماغي من أول ما وقفت قدام قبرها.. ولما بيكون في تنميل في دماغي معناه إن نيرة مش مبسوطة.

كما أوضح المحامي خالد عبد الرحمن، أنه من الممكن أن يسخر البعض منه بسبب ما يقوله عن نيرة ويصفوه بالروحاني، مضيفًا: فيه ناس هيتريقوا بس أنا فيه حاجة بيني وبين نيرة بحس بيها.. اللي حصل لـ نيرة مافيش حد يرضى بيه في العالم.. والناس لحد دلوقتي لسة بيخوضوا في عرضها ومش عاوزين يسكتوا.