بلاش تقسى عليا.. أمير كرارة: مفيش حد هيفضل ناجح طول عمره ولكن فيه تاريخ يشفع
كشف الفنان أمير كرارة، عدم حبه للسوشيال ميديا، معربًا عن استيائه الشديد من سب وشتم الفنانين، مشيرً إلى أن الفنان لا يشترط أن يستمر على النجاح طوال الوقت.
وقال أمير كرارة في برنامج الراديو بيضحك 90 90: مش لازم لما أقدم عمل الناس تقول اللي قبله كان أحلى، لأني مش هفضل طول عمري كده، ولو جبت مين مش هيفضل ينجح طول عمره لكن في حاجة اسمها في تاريخ يشفع لك، وعمل يشفع لك.
وأضاف أمير كرارة: لما عملت المنسي، وبعدها عملت حاجة الناس محبتهاش، أفتكر لي اللي عملته السنة اللي قبلها وأني كنت باسطك والدنيا كانت حلوة وماتقساش بقى، لكن في كذا حد ورا الشاشة بيشتمك وممكن يكون ما شافش العمل واللي بيشتميك يجري عليك يتصور معاك، وبعض الناس قاسية في الردود والتعامل والطريقة.
وتابع أمير كرارة: لما أنزل برومو بلاقي ناس بيقولوا الله حلو جدا وكسر الدنيا وواحد يقول إيه الدم التقيل ده.. أنت كده استفدت إيه يا حبيبي، وعملت لك بلوك، وواحد كتب كومنت غريب والله ما فهتوش قال لي البرومو حلو ومش هدخله.. إيه التناقض اللي في دماغك ده.
أمير كرارة يكشف كرهه للسوشيال ميديا
وأبدى أمير كرارة عدم حبه للسوشيال ميديا، قائلًا: أنا بكره السوشيال ميديا، والرقم اللي عندي على السوشيال ميديا حقيقي وسايبه ولكن بنزل صورة ليا كل فترة، وبزعل من الناس اللي بتشتم في الممثلين.. أنت استفدت ليه لما شتمتهم يا عم ما تسكت، استقدت إيه فيه ممثلين بيدخلوا يردوا على الناس وبدخل اتفرج بضحك، مش بحب اعمل كده.
ووجه أمير كرارة رسالة لمن يسبون الفنانين: فكر في حاجة واحدة لما تشتمني وابني الصغير اللي شايف أبوه أحسن واحد في الدنيا يلاقي أبوه مشتوم هيزعل اوي، لو مش عاجبك ما تتفرجش عليه ده أكلنا وأكلو عيشنا في ميلون نجم اتفرج عليهم، وفي الآخر هنشتغل والدنيا حلوة الحمد لله وأحيانا بنعمل حاجات كويسة مش كلها وحش.
