سعد الصغير يكشف مفاجأة: بوسي حبست طليقها بسبب الترامادول
تحدث الفنان سعد الصغير عن تفاصيل أزمة المطربة بوسي وطليقها السابق فطين، مؤكدًا أنها من تسببت في إدخاله السجن بسبب الترامادول.
قال سعد الصغير، في تصريحات لـ القاهرة 24: لما بوسي كان بيحصل خلاف بينها وبين طليقها فطين كانت بتكلمني، وأنا اللي كانت براضي بينهم، ولما فطين اتحبس كان بسبب كرتونة ترامادول كانت في الشقة وهي اللي كانت حبساه.
بوسي تهاجم سعد الصغير
سبق وردت بوسي على تصريحات سعد الصغير بعد وفاة والدها الحاج محمد شعبان، مُتأثرًا بأمراض الشيخوخة، وقالت في تصريحات تليفزيونية: ميخصش سعد الصغير روحت لأبويا الجنازة ولا لأ، وأنا مبحبش حد يعمل تريند على قفايا، ليه بتدخل نفسك في حاجة متخصكش؟ هتقول زميلتك أنا مطلبتش منك تتدخل.
سعد الصغير: زعلان من بوسي
وكان سعد الصغير، أعرب عن استيائه من بوسي، لعدم حضورها جنازة والدها، وقال في تصريحات لـ القاهرة 24: زعلان من بوسي جدًا حتى لو أبوها جاحد كان ممشيها مبتاكلش، إحنا بنروح عزاء ناس مبنعرفهمش؛ تعتبر إنه بتاع أمن غلبان تروح تديله أي حاجة.. دي بتنزل من العربية وتدي بتاع الركنة 100 جنيه.. اعتبريه شغال معاكي في الفرقة.. الحنية محدش بيشتريها.
أعمال بوسي
يذكر أن بوسي طرحت مؤخرًا فيديو كليب مسولي وصبحوا، عبر قناتها الرسمية بموقع الفيديوهات الشهير يوتيوب، وهي من كلمات تامر حسين، وألحان عزيز الشافعي، وتوزيع ميكس ماستر جلال حمداوي.
