إيه اللي حرّم الفن؟.. محمود حافظ: إحنا مش بنعمل حاجة تغضب ربنا
كشف الفنان محمود حافظ، رأيه في الحديث المتداول مؤخرًا، حول حرمانية الفن، مؤكدًا على أن الممثل لا يفعل شيئا به أي حرمانية.
وقال محمود حافظ خلال حواره مع القاهرة 24: إيه اللي حرّم الفن؟ الحمد لله إحنا بنتعب جدًا في شغلنا ومبنعملش أي حاجة فيها محرمات تغضب ربنا.
وأردف قائلا: ولكن الناس علشان مشافتناش على حقيقتنا في شغلنا، وكل واحد ممكن من ورا الشاشات زي السوشيال ميديا يشتموا فينا، بتشتموا فينا ليه؟ إحنا بشر وبنزعل وبنفرح وعندنا أولاد وأسر.
وأضاف محمود حافظ: وكل اللي أقدر أقوله اللي ربنا سبحانه وتعالى قالنا عليه، “ما يلفظ من قول إلا لديه رقيب عتيد”.. وربنا يسامح اللي بيشتمونا.
فيلم أصل الحكاية
على جانب آخر، كان كشف محمود حافظ، تفاصيل فيلمه الجديد أصل الحكاية، وقال خلال حواره مع القاهرة 24: لما بسمع اسم المخرج محمد أمين موجود على أي عمل، بيكون شرف ليا أكون معاه وأحب جدًا أنضم له، تابعت كل أفلامه واشتغلت معاه قبل كده في فيلم 200 جنيه، وده اللي حمسني للمشاركة في الفيلم.
ويضم فيلم أصل الحكاية، عددا كبيرا من الفنانين، أبرزهم الفنان خالد الصاوي، شيري عادل، عابد عناني، كريم عفيفي، بيومي فؤاد، هالة فاخر، جيسيكا حسام، يوسف عثمان، إيمان السيد، محمد محمود، علاء مرسي، محمد ثروت، وآخرين، ومن تأليف وإخراج محمد أمين.
