مجدي عبد الغني: محدش يقدر يعمل دور محمد صلاح بفيلم عن حياته.. وتكريم مؤمن زكريا عوضه عن اللي شافه
أوضح لاعب النادي الأهلي السابق مجدي عبد الغني رأيه في صنع فيلم عن مشوار لاعب منتخب مصر محمد صلاح، مشيرًا إلى أنها فكرة جيدة يستحقها.
وقال مجدي عبد الغني خلال لقائه مع القاهرة 24: فكرة حلوة جدًا؛ لأن محمد صلاح اللي وصله مش بسهولة، وكان فيه صعوبات كتير جدًا، وأنا يمكن على اتصال بيه من أيام ما كان في بازل في سويسرا وعلى طول متابعه وعارف قد إيه كان بيعاني والحمد لله إنه قدر يثبت موهبته وبعد ما عمل تجربة مع فريق تشيلسي ومكنتش تجربة ناجحة، وبعدين اثبت إنه قدها وقدود، محدش يقدر يعمل دور محمد صلاح غيره في الفيلم.
كما وجه مجدي عبد الغني للاعب النادي الأهلي السابق مؤمن زكريا: أقول لمؤمن زكريا ربنا يشفيك واحنا كلنا بنحبك وأعتقد إن التكريم اللي شايفه مؤمن من البلد والجمهور وكل القطاعات سواء السينما أو الرياضة صراحة يعوض مؤمن شوية ما يعانيه دلوقتي.
مجدي عبد الغني: أحمد فهمي فرط في حق نفسه
أما عن مشاركته في فيلم مستر إكس مع الفنان أحمد فهمي، تابع مجدي: بقول إنه فرط في حق نفسه شوية؛ لأنه بياخد وقت عقبال ما بياخد القرار في إنه يعمل الدور، بينقي أدواره ودي ميزة شوية، ولكن عيب في إنه يتأخر في إنه يعمل عمل.
