الأحد 16 يونيو 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

أمير كرارة: راضي عن إيرادات فيلم البعبع وكان لازم أغير الأكشن.. والتعامل مع ياسمين صبري من مكاسب المهنة

أمير كرارة
فن
أمير كرارة
الجمعة 07/يوليو/2023 - 04:22 م

أعرب الفنان أمير كرارة عن سعادته بردود أفعال الجمهور على أجدد أفلامه البعبع، بجانب حديثه عن تعاونه مع الفنانة ياسمين صبري لأول مرة خلال أحداث الفيلم.

وقال أمير كرارة خلال لقائه مع برنامج ET بالعربي: طبعًا راضي عن إيرادات فيلم البعبع، وإحنا بنشتغل والإيرادات دي بتاعة ربنا والمنتج نفسه، والحمد لله بنعمل حاجة تليق بالجمهور وفيلم محترم، وطبعًا المنافسة شديدة وأنا من محب الكريمين وربنا يكرمهم ويكرم كل الناس.

وأوضح أمير كرارة أنه لم يتخوف من خوض التجربة الكوميدية، معقبًا: مخوفتش، والفكرة كلها إن الورق شجعني وواثق في المخرج اللي معايا إنه هيظبط الكوميديا، والحمد لله كانت تجربة ممتعة وجديدة عليا.

وأضاف: كان لازم أغير الأكشن؛ لأن الفترة اللي فاتت كانت كلها أكشن، يمكن كنت قلقان في البداية إني أقدم كوميدي ولكن الحمد لله لقيت رد فعل حلوة من الناس.

أمير كرارة: أتمنى أشتغل تاني مع ياسمين صبري

أما عن تعاونه مع الفنانة ياسمين صبري خلال أحداث فيلم البعبع، فعلق أمير كرارة قائلا: من التجارب الحلوة اللي اكتسبتها في المهنة هو التعامل مع ياسمين صبري، وهي بصراحة ست وممثلة جميلة، وارتحت معاها في التعامل وأتمنى أشتغل معاها تاني، وعندها جمهور كبير جدًا، والناس بتحبها جدًا.

أبطال فيلم البعبع

وفيلم البعبع يضم العديد من الفنانين أبرزهم أمير كرارة، ياسمين صبري، باسم سمرة، محمد عبد الرحمن، محمد أنور، ورحاب الجمل ومحمد عبد العظيم وغيرهم من الفنانين.

تابع مواقعنا