شيري عادل عن كواليس فيلم أصل الحكاية: بنعمل مجهود رهيب عشان نقول كلمة جد
تحدثت الفنانة شيري عادل، عن كواليس فيلم أصل الحكاية، الذي تشارك في بطولته بجانب مجموعة من الفنانين، أبرزهم الفنان خالد الصاوي.
وقالت شيري عادل، خلال حوارها مع القاهرة 24: كواليس فيلم أصل الحكاية مش عادية، طبعا ضحك جدًا، إحنا بنضحك طول الوقت، وكل المشاهد بتجمعنا كلنا فـ إحنا كلنا طول الوقت مع بعض، فـ طبعا عشان نقول كلمة جد بنعمل مجهود رهيب.
وكانت كشفت شيري عادل تفاصيل شخصيتها في فيلم أصل الحكاية، وقالت: الفيلم بيناقش قضية مهمة، والدور اللي بقدمه شخصية بنت اسمها ملك، هي أكتر واحدة شاغلها القضية دي وفاكرة إن هي المسئولة إنها تفكر فيها، وهي متزعمة الفكرة ومقتنعة بوجهة نظرها وبتتحدى كل الناس إن هي عايزة تبقى مسئولة عن التفكير في القضية دي، وتبحث فيها، فـ شخصية جديدة عليّ معملتهاش قبل كدة.
فيلم أصل الحكاية
يضم فيلم أصل الحكاية عددا كبيرا من الفنانين، من بينهم الفنانة شيري عادل، خالد الصاوي، محمود حافظ، كريم عفيفي، عابد عناني، علاء مرسي، محمد ثروت، بيومي فؤاد، يوسف عثمان، محمد محمود، إيمان السيد، جيسيكا حسام الدين، وآخرين، ومن تأليف وإخراج محمد أمين.
شيري عادل تتحدث عن كواليس مسلسل حكايات جروب الدفعة
وسبق وتحدثت شيري عادل عن كواليس مسلسلها الأخير، حكايات جروب الدفعة، الذي عرض في الموسم الشتوي من هذا العام 2023، وقالت: فريق العمل كلهم صحابي وعمرو وهبة أكتر واحد كمان، وطول الوقت كان بيضحكنا وبحبه جدا.
