محمد ناير مؤلف ريفو: أتمنى تكون النهاية وصلت للناس كلها بأفضل شكل وصورة
أعرب المؤلف محمد ناير عن سعادته الشديدة بسبب النجاح الكبير الذي حققه الجزء الثاني من مسلسل ريفو بطولة الفنان أمير عيد، وتامر هاشم.
وقال محمد ناير، خلال تصريحات خاصة لـ القاهرة 24: الحمد لله، في حاجات بتشتغل عليها بتبقى شايف المسئولية والظروف عامله إزاي، فاستنادا على اللي عاملينه السنة اللي فاتت، والهدف كان واحد هو الباقي من الأحداث يكون مكثف، وإحنا كنا عارفين هيحصل إيه، واشتغلنا على التفاصيل في كل حاجه، والنتيجة أثبتت إن إحنا صح.
وعن سؤال كيف مات شادي، الذي تصدر مواقع التواصل الاجتماعي، قال محمد ناير: الإجابة أبسط مما تتخيل، والناس عرفت الإجابة النهارده، وده شيء يسعدني إن الناس تفكر وتبني نظريات، وتتأمل ويبقى ليها رأي ورؤية، وأتمنى إن النهاية تكون وصلت للناس كلها بأفضل شكل وصورة.
وعن رأيه في تأثير السوشيال ميديا على نجاح مسلسل ريفو، قال: المصدر الأول في نجاح العمل هو العمل نفسه، انت لو عامل جيد في إتقان وحب وإخلاص، مهما كانت النتيجة دايمًا، حتى لو مش معاك دعاية وسوشيال ميديا، ومش كلام مزيف، والحقيقة بتوصل للناس مهما كانت الظروف.
أبطال مسلسل ريفو 2
وحقق الجزء الثاني من مسلسل ريفو نجاحًا كبيرًا، وتم عرضه عبر منصة واتش إت، وضم العمل مجموعة كبيرة من أبرز الفنانين ومنهم، أمير عيد، تامر هاشم، سارة عبد الرحمن، مينا النجار، حسن أبو الروس، ركين سعد، صدقي صخر، وعددا آخر من الفنانين، والعمل من تأليف محمد ناير وإخراج يحيى إسماعيل.
