مرتضى منصور: لما احتجت عبد الله السعيد جبته من قلب الأهلي
قال المستشار مرتضى منصور، رئيس نادي الزمالك المعزول، إن النادي عندما يكون في حالته الطبيعية يستطيع الدخول في صفقات من العيار الثقيل ومنافسة غريمه التقليدي النادي الأهلي.
تصريحات مرتضى منصور
وأوضح مرتضى منصور في تصريحات صحفية خلال المؤتمر الصحفي المنعقد حاليا بالنادي: لما احتجت عبد الله السعيد جبته من قلب الأهلي عشان كان معايا الفلوس لكن دلوقتي هجيب منين.
وأكد مرتضى منصور: مبقولش لحد عايز فلوس، أنا بقول سبني أكون نادي طبيعي، ولما كنت طبيعي اشتريت عبد الله السعيد بـ 40 مليون جنيه.
وأضاف: قعدتوا تقولوا هات البرتغالي فيريرا، ولما جه ضيع أربع بطولات من النادي خلال شهرين، وحرق وأرهق كل اللعيبة الجديدة والقديمة.
وأردف: فيريرا لو بدأ الدوري بما يرضي الله ومحرقش اللاعبين الجدد، ولو اللاعبين ماتشتموش، كان المناخ هيبقى طبيعي في النادي.
وأكد: ميزة جمهور الزمالك الأدب والاحترام، ومعندناش حد حرق اتحاد الكرة ولا سرق الكؤوس.
وأكمل: رفعت قيمة إيجار بعض المحلات التجارية في النادي من 554 جنيه في السنة إلى 65 ألف جنيه في الشهر.
وواصل: معنديش واحد في المليار من اللي عند ممدوح عباس لأني كنت قاضي شريف وبرلماني شريف.
وأتم: اتبرعت للنادي بمليون دولار هل هاخدهم وأنا ماشي؟، ومعنديش مشكلة أمشي واخربوا النادي خالص.
