مرتضى منصور: جبت للزمالك 14 بطولة في كرة القدم.. وفيريرا ضيع 4 بطولات في شهرين
قال المستشار مرتضى منصور رئيس نادي الزمالك المعزول، إنه صاحب الفضل في تتويج الزمالك بالعديد من البطولات في الفترة الماضية.
تصريحات مرتضى منصور
وأوضح المستشار مرتضى منصور، خلال المؤتمر الصحفي المقام حاليًا في نادي الزمالك: كل سنة بجيب في الألعاب الجماعية 6 بطولات على الأقل ده غير 3 دوري وكونفدرالية وباقي بطولات كرة القدم.
وواصل مرتضى منصور: جبت للنادي 14 بطولة في كرة القدم مقابل بطولة واحدة مع ممدوح عباس وجايين بتكلموني؟.
وأكمل: قعدتوا تقولوا هات فيريرا وضيع 4 بطولات في شهرين وحرق كل اللعيبة الجديدة وأرهق اللعيبة القديمة.
وأضاف مرتضى: عيشني زي بيبو محمود الخطيب رئيس النادي الأهلي، أو نصه أو ربعه واتحداك ياخد بطولات زيي.
وأردف: أما احتجت عبد الله السعيد جبته من قلب الأهلي عشان كان معايا الفلوس لكن دلوقتي هجيب منين.
وعن ممدوح عباس قال مرتضى منصور: حد يقول لممدوح عباس حجزت على النادي ليه وانت واخد فلوسك 3 مرات.
وأضاف مرتضى منصور: مبقولش لحد اديني فلوس أنا بقول سبني أكون نادي طبيعي لما كنت طبيعي جبت عبد الله السعيد بـ 40 مليون.
