مرتضى منصور لـ جماهير الزمالك: متزعلوش على إمام عاشور عشان ده واحد خاين وبايع | بث مباشر

قال المستشار مرتضى منصور، رئيس نادي الزمالك المعزول، إنه كان له فضل ودور كبير في حصول الفارس الأبيض على العديد من البطولات خلال السنوات الماضية، معلقًا: كل سنة بجيب في الألعاب الجامعية 6 بطولات على الأقل.. ده غير 3 دوري وكونفدرالية وباقي بطولات كرة القدم.

أبرز تصريحات مرتضى منصور في المؤتمر الصحفي

وتحدث مرتضى منصور خلال المؤتمر الصحفي المقام حاليًا في نادي الزمالك، عن صفقة انتقال اللاعب إمام عاشور للنادي الأهلي قائلًا: بقول لجماهير الزمالك متزعلوش على إمام عاشور عشان ده واحد خاين وبايع.. الزمالك بيتعرض لكل المؤامرت بس واقف على رجله لأنه نادي المبادئ والقيم والملوك.

وتابع: أنا بضحي عشان الزمالك يعيش وتحملت ما هو فوق طاقة البشر.. لو بتحب النادي ارفع الحجز يا ممدوح عشان نسدد غرامة شيكابالا وأتشيمبونج.. داخل البطولة العربية والنصر والشباب بيتم دعمهم.. وأنا بجمع جنيه على جنيه ومعييش أجيب ورك.

وواصل: عمالين يقولوا عاوزين صفقات عاوزين بطولات.. طب إزاي وأنا مستلم النادي من ممدوح عباس وهو فيه 600 جنيه ومن لبيب فيه 69 ألف جنيه.. لعيبة الزمالك كان ليهم 74 مليون جنيه.. سبت النادي وهما ليهم 5% بس.

وأردف: مبقولش لحد اديني فلوس.. أنا بقول سبني أكون نادي طبيعي لما كنت طبيعي جبت عبد الله السعيد بـ 40 مليون جنيه.. جبت بن شرقي ومحمد عواد ومحمد صبحي وإمام عاشور.