الأحد 10 ديسمبر 2023
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

مبنشغلش مرضى الكانسر.. متعافية من السرطان تروي معاناة رفض الشركات الخاصة توظيفها: لما تتعبي هرميكي

شيماء الجرحي
كايرو لايت
شيماء الجرحي
الأربعاء 26/يوليو/2023 - 08:10 م

روت شيماء الجارحي إحدى المتعافيات من السرطان، معاناتها مع شركات القطاع الخاص في توظيفها؛ حيث ترفض أي شركة تعينها بمجرد معرفتهم أنها كانت مصابة بالسرطان، على الرغم من شفائها وامتلاكها كل المؤهلات اللازمة للوظيفة.

متعافية من السرطان تروي معاناة رفض الشركات الخاصة توظيفها

وقالت شيماء الجارحي خلال فيديو نشرته على حسابها الشخصي على تيكتوك: أصعب حاجة في الدنيا إن حد يذلك بمرض كان عندك زمان، لما أجي اقدم في شركة، وأقول أنا كان عندي سرطان، أو أقدم في شركة يعرفوني ويقولوا إيه د أنتي شيماء الجارحي محاربة السرطان، وأعمل الانترفيو وأنا اشتغلت في شركات إنترناشونال وكل حاجة زي الفل، وفي الآخر ترفض تشغلني.

وأشارت شيماء، إلى أنه عندما تسأل عن سبب الرفض، كانت الإجابة بسبب إصابتها بالسرطان، موضحة: ولما أسأل ليه رفضت تشغلني تقولي معلش أصل أنتِ كان عند سرطان، ممكن تتعبي تاني في أي وقت، أنتِ قعدتي 3 سنين بتتعالجي من السرطان، وممكن تتعبي تاني وقتها نعمل إيه.

وأضافت شيماء: إيه المشكلة في كوني متعافية من السرطان، أنا حية أرزق قدامك، أنت بتقولي أنتِ لما تتعبي هرميكي، أصل مش هينفع، موضحة: يعني أصحاب المرض المزمن أو من تعافى من مرض ويمتلك صحة للعمل، مش من حقه يشتغل؟، لما آجي أروح شركة وأعمل إنترفيو وأنا خفيت يعني مش تعبانة كمان، وبقدر أشتغل تحت ضغط وأشتغل بالـ 10 والـ12 ساعة معنديش أي مشكلة، تقولي أنا إيش ضمني ترجعي تتعبي تاني.

تابع مواقعنا