انتصار: فيه ناس غير متخصصة بتقدم برامج والأمور اختلطت.. وعمري ما ندمت على أي تصريح
أعربت الفنانة انتصار عن استيائها الشديد بسبب وجود عدد كبير من مقدمي البرامج ليسوا متخصصيين، كما أكدت على أنها لم تندم أبدًا على أي تصريح لها.
وقالت انتصار، خلال لقائها مع القاهرة 24: انتشرت حاجات كتيرة على السوشيال ميديا الفترة الأخيرة بشكل غريب، وناس غير متخصصة بتعمل برامج اجتماعية ونفسية فالأمور اختلطت بس في طريقهم لظبطها، لإن مينفعش يتكلم غير ناس متخصصين.
وعن رأيها في برنامج كلام الناس للإعلامية ياسمين عز، قالت انتصار: ياسمين عز خدت منهج وسكة وعايزه شكل برنامجها يبقى كدا، واحدة تانية خدت سكة برنامجها بشكل تاني، فالموضوع اتجاهات، وبرنامجها مش وحش عادي يعني.
واختتمت الفنانة انتصار: عمري ماندمت على أي تصريح بقوله ومتحملة مسئولية كل كلمة، أوقات بندم على إني كنت حقانية وصريحة زيادة عن اللزوم.
انتصار تكشف سبب عدم تقديم جزء جديد من راجل وست ستات
وتحدثت الفنانة انتصار عن سبب عدم تقديم جزء جديد من مسلسل راجل وست ستات بطولة الفنان أشرف عبد الباقي، وذلك خلال تصريحات خاصة لـ القاهرة 24، على هامش الدورة الـ 16 من مهرجان المسرح المصري، قائلة: بعد ما عملنا 10 أجزاء من راجل وست ستات المنتج اكتفى بهذا القدر، وقال إنه مش هينتج أكتر من كدا وأشرف عبد الباقي انشغل بكذا حاجة تانية، وأنا شايفه إنه نجح جدا والجمهور متقبل الموضوع، والأطفال الصغيرة كبرت ومحتاجة تشوف أجزاء تانية، فالمنتج قالي أنا مستني أشرف عبد الباقي يقول يلا نعمل أجزاء تانية، وأشرف شايفه وحابه.
