شاهد عيان على قتل عاطل لسيدة رفضت الزواج منه بالمنوفية: كان عايز يرجع يكمل عليها| بث مباشر

كشف شاهد عيان تفاصيل جديدة في مقتل سيدة على يد عاطل بسبب رفض أسرتها زواجه منها بـ المنوفية، وقال إن المتهم انهال على المجني عليها بالطعن من 5 إلى 6 مرات أو أكثر حتى سقطت مغشيا عليها.

شاهد عيان يكشف تفاصيل مقتل سيدة على يد عاطل بالمنوفية

وأضاف شاهد العيان أن المتهم بعد طعنه المجني عليها حاول الهروب لكن الأهالي تمكنوا من القبض عليه، مضيفا: كلامه كله كان هيستيري مش مفهوم، وكان بيهدد الشباب اللي مسكوه وماسك لهم السكينة.. أنا مش بعرف أنام من وقت الواقعة، وأعصابي متوترة من ساعتها ومش متصور إن دا ممكن يحصل، والناس اللي كانت واقفة كانوا خايفين.

وأكمل شاهد العيان: المتهم بعد ما طعنها والناس حاولت تحوشه كان عايز يرجع يكمل فيها طعن تاني وكأنه بيعمل عمل بطولي والناس بتتفرج.. وأضاف: أنا مش جارها ولا قريبها ولكن جاي أحضر جنازتها لتأثري الكبير بما حدث، وكل ما أفتكر المشهد دموعي بتغلبني ومش قادر أستوعب اللي حصل.

وواصل شاهد العيان: المتهم كان بيطعن المجني عليها بشكل هستيري وكان مصمم على الرجوع علشان يكمل عليها، ومستعد إنه لو شاف أي حد تاني أو حد اعترض طريقه يقتله أيضا.. والحادث كله لم يستغرق 5 دقائق.

وكان اللواء عمرو رؤوف، مدير أمن المنوفية، تلقى إخطارا يفيد بطعن شخص لسيدة وسط الشارع في منطقة بركة السبع بمحافظة المنوفية.

وبالانتقال والفحص تبين طعن سيدة تدعى فاطمة، وتبلغ من العمر 25 عاما، مطلقة وتعول طفلين، مقيمة بمنطقة بركة السبع، على يد المتهم البالغ من العمر 40 عاما، مقيم في قرية طوخ طنبشا وله معلومات جنائية، وذلك لرفض أهلها زواجه منها.