أوسوريو: عاوزني ولا لأ؟.. مرتضى: أنت مكمل معانا سنتين كمان
أكد مرتضى منصور في جلسته مع المدرب الكولومبي خوان كارلوس أوسوريو المدير الفني لفريق الزمالك علي أن أمير خلص مع ثلاثة صفقات، وبنعتذر لاحمد بلحاج لعدم اكمال التعاقد معه ولو المدرب عاوزه كنا خلصنا معاه ويمكن يكون موجود في اي وقت بعد كده.
وكشف منصور في تصريحات عبر قناته علي اليوتيوب عن تلقيه رسالة من مسؤول كبير قال له " انت بتحب النادي ده اكتر من احفادك ومرتبط بيه نفسيا وأسمك مرتبط بيه وهتساعد حتي آخر لحظة واسمك محفور في التاريخ باللي عملته في النادي والبلد مقدرة اللي عملته في الزمالك ".
ودار حوار بين مرتضي منصور وأوسوريو في نهاية اللقاء وكان كالتالي:-
اوسوريو: انت ومجلس الاداره عاوزين اكمل مع الفريق ام لا.
مرتضي منصور: انت مكمل معانا الموسم الحالي واللي بعده وانت مجدد معانا وهنعمل التحويل بكرة أو بعده بمستحقاتك.
مرتضى منصور: انت متجوز واحدة ولا اتنين.
اوسوريو: واحدة ولدي ولدين.
مرتضي: بتعرف تطبخ.
أوسوريو: اه جدا وبتعرف ترقص معايا.
مرتضي: كولومبيا وفنزويلا وإيطاليا وإسبانيا لديهم سيدات حلوين بس الستات المصريات أحلي وتتحملنا جيدا وعندهم سلاح "لوي البوذ" وفيه سيدات المغرب العربي والخليجي والسودان كلهن محترمات وجميلات.
اوسوريو: سيداتنا تتحمل الكثير أيضا وأنا هادئ معاه وتتحملني كثيرا.
اوسوريو: انا محتاج ثلاثة أو أربعة صفقات.
مرتضي منصور: امير خلص الثلاثة صفقات وهيجدد لفتوح.
اوسوريو: اشكرك علي دعمك واشكر اللاعبين والجماهير علي كل ما قدموه.
