فيلم أمير البحار كان تذكرة المرور لي وتكريمي أسعد لحظات حياتي.. أبرز تصريحات محمد محمود
حل الفنان محمد محمود ضيفًا في برنامج مساء dmc، الذي يقدمه الإعلامى رامى رضوان، حيث كشف العديد من الكواليس والأسرار حول حياته الشخصية.
ونستعرض لكم في هذا التقرير أبرز تصريحات الفنان محمد محمود
- كان حلم من أحلامي إن أدخل معهد الفنون المسرحية ودي كانت لحظة لا توصف.
- التكريم أهم ثاني اللحظات في حياتي سعادة وبحس إن مجهود 40 سنة دول مرحوش هباءً.
-كان في ناس متابعة ومقدره لعملي وجيه الوقت اللي يشكروني علي مجهود الـ 40 سنة كفنان وكإداري.
- المناصب الإدارية اللي إتولتها جت في وقتها.
-منصبي كإداري أو مدير عام مسرح أسعدني في وقت من الأوقات علشان أولادي.
-إعتذرت عن أعمال كتير من أعمال المسرح حتي لا يقال بيستغل منصبة وعمل مسرح لنفسه.
-أخدت جوائز كتير جدًا للمسرحيات اللي كنت بعملها خصوصًا في مسرح الطليعة.
-طول عمرى أناشد بتصوير المسرحيات اللي بنقدمها كأرشيف.
- مسرحية واحدة اللي إتصورت ليا خلال الـ 40 سنة ولم تذاع غير مرة أو مرتين.
- لو خيروني بين عمل سينمائي ومسرحي وتلفزيوني مش هختار مسرح مع أن ليا متعة والمقابل اللي بخده من الجمهور فوري.
-مشاركتي في فيلم أمير البحار كان وش السعد عليا وجواز المرور بتاعي في السينما.
-بحب أشتغل مع هنيدي الشغل وهو إنسان جميل وبيدي طاقه إيجابية في اللوكيشن كله.
-كل أعمالي مع هنيدي نجاحه وبيحب الخير للناس كلها هو بطبيعته إنسان جميل بجد.
-محمد هنيدي راهن عليا في دوري بفيلم أمير البحار.
