سائق يكشف تفاصيل عثوره على آلاف الدولارات وتسليمها لصاحبها بالمنيا: صاحبها مكانش مصدق | بث مباشر
كشف أحمد محمد عبد البديع حسين، سائق، من إحدى قرى مركز ملوي في محافظة المنيا، تفاصيل عثوره على شنطة بها دولارات.
وقال أحمد إنه يعمل على سيارة أجرة، وفي أحد الأيام طلبه أحد الأشخاص أن يستقبل آخرين من المطار، وبالفعل ذهب إليهم، وعند وجوده بالمطار وجد شنطة بها دولارات، فطلب من الأشخاص الذين معه توصيل هذه الأمانة إلى أصحابها، وبالفعل فعل ذلك.
وأوضح: بفتح الشنطة لقيتها مليانة دولارات، فطلبت من الناس اللي معايا إنهم يساعدوني إني أوصلها لأصحابها، وكان كل اللي يسألني الشنطة فيها إيه أقوله فيها ورق.
وتابع أحمد أنه وجد موبايل في الشنطة واتصل بآخر رقم كان بالهاتف، وبالفعل جاءه صاحب الشنطة واستلمها منه، مضيفا: قعد ربع ساعة يشكرني وقالي الشنطة دي مش بتاعتي وأنت خدمتني جدا إنك رجعتها ليا، ولو عايز تاخد منها أي مبلغ اتفضل.
وأشار أحمد إلى أن كل ما طلبه من هذا الشخص هو أن يدعو لشقيقته المريضة، مضيفا: الشنطة كانت مليانة دولارات وفلوس مصري، وأنا طلبت من ربنا إنه يوفقني وأقدر أرد الأمانة لصاحبها لأن دي فلوس ناس ولازم ترجع لأصحابها.
واستكمل: لما وصلت الشنطة لصاحبها مكانش مصدق، كان واقف مذهول ويقول معقول في حد لسه حريص إنه يوصل الفلوس دي كلها لأصحابها؟!
