البلوجر هبة سيد صاحبة قناة أم زياد بالتحقيقات: اتصدمت لما شوفت ابني مع بنتي في السرير| خاص
ينفرد القاهرة 24 بنشر التحقيقات مع البلوجر هبة سيد صاحبة قناة أم زياد وهبة، وابنها وزوجها في القضية التي حملت رقم 7944 لسنة 2023 مركز الخصوص، لاتهامهم بالإتجار بالبشر بعد نشر مقطع فيديو ذكرت خلاله أنها ضبطت نجلها في وضع مخل مع شقيقته.
التحقيقات في قضية البلوجر هبة السيد
وكشفت التحقيقات في قضية هبة سيد صاحبة قناة أم زياد وهبة بمواقع التواصل الاجتماعي أنها متهمة فيها مع ابنها وزوجها في ارتكاب جريمة بالإتجار بالبشر، بتعاملها في أشخاص طبيعيين هم أطفالها.
وتبين من التحقيقات، أن البلوجر هبة سيد استخدمت أطفالها بإظهارهم في مقاطع مرئية نشرتها عبر حساباتها بمواقع للتواصل الاجتماعي من أجل رفع نسب مشاهداتها، للحصول من إدارات تلك المواقع على أرباح زائدة نظير تلك المشاهدات، واشترك معها المتهمان الآخران بطريقي الاتفاق والمساعدة في ارتكاب تلك الجريمة.
وجاء أقوال البلوجر هبة السيد نص التحقيقات كما يلي:
بسؤال هبة سيد صاحبة قناة أم زياد وهبة عن الأدوات التي قامت باستخدامها لإنشاء تلك الحسابات؟، أجابت: ابني محمد عمل الحسابات بتاعتي من تليفون سامسونج كان طليقي جايبه وقعدنا نستخدمه من سنة إلى سنة ونص وبعدها اشترينا لاب توب لما التليفون ابتدى يبوظ مننا، ودا كان من حوالي سنة ونص واللاب توب كان نوعه لينوفو واستخدمنا كمبيوتر ودا كان محمد بيعمل عليه المونتاج بس هو باظ ولما انطلقت مخدتوش من البيت القديم.
وبسؤال البلوجر هبة السيد بالتحقيقات عن أسماء تلك الحسابات، أجابت قائلة: حساب الفيسبوك (الصفحة التجارية) باسم هبة سيد cheba sayde، وقناة اليوتيوب اسمها أم زياد وهبة، وحساب التيك توك والإنستجرام كانوا باسم هبة سيد وفيه حساب كنت عملاه على قناة اليوتيوب، وده حساب جديد عملته من أسبوعين بس مش فاكرة يوم إيه بالضبط والحساب ده أنا اللي أنشأته اسمه يوميات أم زياد وهبة ودا اللي نزلت عليه الفيديو اللي أنا تكلمت فيه عن عيالي واللي كان بعنوان انصدمت لما شوفت ابني مع بنتي في سرير واحد في وضع غلط.
قضية البلوجر هبة السيد
واستكملت هبة السيد بالتحقيقات: الفيديو ده أنا نزلته ونشرته الأول على قناتي القديمة بتاعت اليوتيوب اللي باسم قناة أم زياد وهبة ونزلته بعدها على حسابي التجاري بتاع الفيسبوك اللي أنا لسة قايله اسمه، وآخر حاجة نزلته على قناتي الصغيرة بتاعت اليوتيوب (يوميات أم زياد وهبة واتحظر من القناة عشان تقريبا إدارة اليوتيوب افتكروه مش بتاعي عشان كنت الأول منزلاه على القناة القديمة بتاعت اليوتيوب وبتاعت الفيسبوك.
