مدحت العدل: ماندو العدل شاطر في الكاستينج.. وبنسبة 99 % رهانه على الممثلين بينجح
تحدث السيناريست مدحت العدل، عن المخرج ماندو العدل، الذي تعاون معه في أكثر من عمل، آخرهم فيلم ع الزيرو للفنان محمد رمضان، وأشاد بكيفية اختياره للفريق عمله.
وقال مدحت العدل خلال ندوته بالقاهرة 24: الكاست المتنوع في فيلم ع الزيرو، يرجع لـ ماندو، لازم ندي كل ذي حق حقه، هو شاطر في الكاسيتنج، وبرضه في مسلسل عملة نادرة، هو اللي اقترح إن أحمد عيد يعمل شرير لأول مرة، هو عنده حتة كويسة في الكاستينج، وبنسبة 99 في المية رهانه على الممثلين بينجح.
وعلى جانب آخر، سبق وكشف مدحت العدل، رأيه في أحوال المجتمع حاليًا، الذي وصفه بأن قيمه تغيرت، حيث قال: المجتمع دلوقتي اتغير وبقى يركز في كل حاجة وينتقدها، أنا مش مع القبلات أو ضدها، لكن بتكلم في مفهوم وقيم المجتمع.
مدحت العدل: محدش بيشتري المسلسلات التاريخية
كما كشف مدحت العدل، سبب قلة الأعمال التاريخية، وقال: محدش بيشتري المسلسلات التاريخية؛ لأن السوق مش مصر بس، لو أنا كتبت مسلسل عن محمود الخطيب وهو لاعب كرة كبير وصديقي ومحبوب وأسطورة عندنا في مصر، وهيكون قصة صعود ناجحة ومضمونة، لكن لو بعته بره محدش هيشتريه، عشان هو عندنا إحنا حاجة كبيرة.
فيلم ع الزيرو
على الجانب المهني، يعرض حاليًا لـ مدحت العدل، في دور عرض السينمات، فيلم ع الزيرو، بطولة الفنان محمد رمضان، والعديد من الفنانين، أبرزهم الفنانة نيللي كريم، إسلام إبراهيم، الطفل منذر مهران، وغيرهم.
