كنت بساعد أمي.. اعترافات المتهم بسرقة فيلا محمد صلاح أمام جهات التحقيق| بث مباشر

اعترف المتهم الأول بسرقة فيلا محمد صلاح اللاعب الدولي، ونجم منتخب مصر، والمحترف حاليا في نادي ليفربول الإنجليزي، أمام جهات التحقيق، بكافة تفاصيل الواقعة.

سرقة فيلا محمد صلاح 

وقال الكاتب الصحفي فتحي سليمان، مدير تحرير موقع القاهرة 24، إن المتهم الأول بسرقة فيلا محمد صلاح اللاعب الدولي، اعترف أمام جهات التحقيق بتفاصيل الواقعة والأسباب التي دفعته لارتكابها.

وأكد سليمان أن المتهم اعترف أمام جهات التحقيق قائلا: اللي حصل إن أنا كنت شغال هناك من سنتين وبقالي سنة ونص ماشي، وكنت مسئول عن 10 فيلل منهم فيلا محمد صلاح، وتعثرت ماديا بسبب انفصال بدون طلاق بين والدي ووالدتي بسبب مشاكل، وبعد كده والدتي راحت قعدت في مكان إيجار وأنا اللي كنت بدفع الإيجار وبساعدها في المصاريف.

وأضاف: كنت شغال في شركة ومشيت منها من شهر، وفكرت إني أسرق فيلا محمد صلاح وأنا كنت عارف إن هو بييجي الفيلا لما بيكون فيه ماتشات للمنتخب، وأنا كنت عارف إن الباب الخلفي مكسور وبيتقفل بسيخ حديد فكلمت عادل صحبي وقولت له على الفكرة قالي والكاميرات قولتله إن الفيلا مفيهاش حد قالي لا أنا مش جاي وبعدها بيومين لقيته بيكلمني بالليل وقالي أنا هاجي معاك نسرق الفيلا، وقلتله خلاص نتقابل بكرة الصبح وفعلا اتقابلنا تاني يوم الصبح الساعة 11.

وأكمل: رحت أنا وهو على شارع مصر بالإسماعيلية عشان نبيع التليفون بتاعى عشان مكنش معانا فلوس الموصلات وبعت التليفون بتاعي بألف جنيه، ورحنا على الموقف وركبنا عربية السلام واتحركنا من الإسماعيلية ووصلنا السلام حوالي الساعة 4 مساء واتغدينا وقعدنا على القهوة شوية.

وواصل المتهم: وبعد كده ركبنا من السلام لمدينتي ووصلنا حوالي الساعة 7.00 مساء عند بوابة 1 لمدينتي وفضلنا واقفين لحد ما باص مدينتي جه وركبنا الباص ووصلنا منطقة الفلل اللي فيها فيلا محمد صلاح، ونزلنا هناك وقعدنا شوية في الخلفيات اللي هي الجناين اللي خلف الفيلا عشان نشوف إن مفيش أمن بيعدي.

وتابع المتهم الأول: بعد ما اتأكدنا إن مفيش حد معدي رحت أنا الأول على الباب الخلفي بتاع الفيلا عشان أشوفه فلقيته متصلح، فعادل المتهم الثاني في القضية جه ورايا فقالي هنعمل إيه قولت له هنط من على الباب الخلفي والباب فعلا قصير فأنا نطيت فليقت نور الفيلا منور من جوه فأنا استخبيت في الشجر اللي موجود في الجنينة وبعدها بدقيقة عادل نط وجه ورايا واستخبينا.

واختتم المتهم: رحت على البيت عند عادل وفضلت عنده لحد الصبح وبعد كده سبت المسروقات عنده وخدت أنا الـ 3 جزم ورحت على البيت عندي عشان أبو عادل ميشكش فيه إنه سرقهم، وعادل خد باقي الحاجة ومعرفش هو عمل فيهم إيه عشان أنا مكنش معايا تليفون أتواصل معاه، وإمبارح حوالي الساعة 3 الفجر لقيت الحكومة جات لي البيت وخدوني وقالولي فين الحاجة اللي أنت سرقتها من فيلا محمد صلاح قلت لهم في الدولاب فتحوا الدولاب لقو 3 جزم وخدوني ونزلوني وأول ما نزلت لقيت عادل معاهم.