علاء مرسي: جرأتي بتعمل مشاكل.. ولن أتنازل عن آرائي الشخصية
أكد الفنان علاء مرسي، أنه لا يكترث لـ السوشيال ميديا على الإطلاق، موضحًا أنه لا يسعى وراء التريند ولكنه يحب الإدلاء بـ آرائه الشخصية.
وقال علاء مرسي، في لقائه مع القاهرة 24: جرأتي بتعمل مشاكل ووسوشيال رهيبة لدرجة إني اتهمت أني بعمل كده علشان أكسب التريند وأنا والله ولا ليا فيها وحساباتي على السوشيال ضعيفة جدًا، ولكن أنا بحب أقول رأيي وأنا راجل لن أتنازل عن آرائي الخاصة، لأن مفيش عندي حاجة أخبيها.
كما تحدث الفنان علاء مرسي، عن مشاركته في فيلم مرعي البريمو بطولة الفنان محمد هنيدي، قائلًا: مرعي البريمو حقق نجاح كبير جدًا ولكن الانتقادات مش طبيعية، وأنا ممكن احترم ناس متحبش الفيلم بشكل معين، ولكن في ناس بتنتقد من غير ما تتفرج، وياريت كل الناس تتفرج ولو معجبكش قوم امشي ده حقك لكن متنتقدش من غير ما تتفرج.
وتابع: لو اتعرض عليا دوري في الفيلم تاني هطلب تعديل معين في الشخصية، لأني بشوف حاجات بقول ياريت كنت عملتها بشكل تاني، الدور كان كويس ولكن الفكرة أن كان ناقصه شوية حاجات اكتشفتها بعد ما الفيلم اتعرض كانت محتاجة تتعمل، ومفيش أي حاجة اتشالت من الفيلم كل اللي صورناه اتعرض.
علاء مرسي: محمد هنيدي فاتحة خير على الأجيال
وأضاف علاء مرسي متحدثًا عن الفنان محمد هنيدي، قائلًا: محمد هنيدي صاحبي وله ثقل وفاتحة خير على الأجيال دلوقتي وهو أهم نجم في الكوميديا في الألفية الأخير.
