أولياء أمور طلاب مدرسة بأوسيم يستغيثون: عيالنا كانوا من الأوائل وطلعوهم شايلين مواد| بث مباشر

استغاث عدد كبير من طلاب الصف الثاني الثانوي بإحدى المدارس في منطقة أوسيم التابعة لمحافظة الجيزة، بسبب رسوبهم في امتحانات نهاية العام الدراسي 2022-2023، على الرغم من تفوقهم في السنوات الدراسية الماضية وحصولهم على الدرجات النهائية في أغلب المواد وتكريمهم من قبل المعلمين.

استغاثة طلاب مدرسة بأوسيم بسبب رسوبهم في الامتحانات

تجمع عدد كبير من الطلاب وأولياء الأمور أمام المدرسة، اليوم الثلاثاء 15 أغسطس 2023؛ تعبيرًا منهم عن اعتراضهم على ما تعرضوا له، والمطالبة بحقوقهم.

وقالت ولية أمر إحدى الطلاب، إن نجلتها كانت متفوقة خلال السنوات الدراسية الماضية في مرحلتي الابتدائية والإعدادية، حيث أنها كانت تحصل على درجات مرتفعة في المواد خلال امتحانات نصف ونهاية العام الدراسي.

وأضافت: بنتي كانت بتطلع من الأوائل ومتفوقة بشهادة كل المدرسين بتوعها واتصدمنا لما النتيجة طلعت لما لاقيناها شايلة مادتين.. قولنا خلاص مش مهم ودخلت امتحنتهم دور ثاني وبردوا سقطت فيهم وكل ده عشان كان السيستم بيقع في التابلت.

وأضافت والدة الطالبة أنها عندما أرادت أن تتقدم لعمل تظلم على نتيجة ابنتها في الإدارة التعليمية، رفضوا ذلك بحجة أنه لا يوجد تظلم لامتحانات التابلت والتظلم يكون في الامتحان الورقي فقط على حد قولها.

واختتمت حديثها: إحنا بقالنا 20 يوم في الموضوع ده وكل يوم بننزل الشارع وبنروح المدرسة والإدارة التعليمية والمديرية عشان نحل المشكلة دي.. لحد دلوقتي عدد الطلاب اللي سقطوا 280 طالب ده غير اللي إحنا منعرفهمش.. وفيه منهم كمان شايلين 8 مواد حرام يضعيوا مستقبل عيالنا بعد ما تعبنا عليهم طول السنة وصرفنا دم قلبنا.