نزلنا على أرض الواقع.. مؤلف فيلم خمس جولات يكشف كواليس العمل

كشف المؤلف محمد عبد المعطي كواليس فيلم خمس جولات، مشيرًا إلى أن أبطال العمل حضروا مباريات حقيقية على أرض الواقع.

وقال محمد عبد المعطي لـ القاهرة 24: فكرة الفيلم كانت فكرة يحيى علام وهو كان متحمس جدا للفيلم واشتغلنا عليه بشكل عملي؛ لأن دي رياضة الناس بتتفرج عليها، فكانت لازم تتذاكر كويس.

وأضاف مؤلف خمس جولات: احنا نزلنا شوفنا مباريات حقيقية على أرض الواقع من أول مباريات الهواة لحد المحترفين في الفنون القتالية، كنا لازم نكون متخصصين عشان نكون حقيقين والناس متضحكش علينا.

ومن ناحية أخرى، سبق وكشف الفنان ماجد المصري تفاصيل دوره في خمس جولات، وقال في تصريح سابق لـ القاهرة 24: شخصية نصار اللي بقدمها في الفيلم مختلفة، وهو دور سبايسي بتاع الشارع والناس، مش مجرد شخصية عادية وخلاص ونصار من كتر خوفه على أولاده ممكن نحس إنه قاسي عليهم ولكن هو مش كدا، وبقول للجمهور اتفرجوا على الفيلم وهتحبوه.

فيلم خمس جولات

ويذكر أن فيلم خمس جولات يضم العديد من الفنانين والنجوم الشباب، من بينهم داليا شوقي، ماجد المصري، آدم الشرقاوي ومؤدي الراب آرسينك ونور النبوي، بالإضافة إلى الفنانة عايدة الأيوبي والتي تُعد عودة لها بعد غياب، والفيلم من إخراج مازن أشرف وتدور أحداثه عن رياضة الـ MMA ليكون أول فيلم عربي يسلط الضوء على عالم الفنون القتالية.

ماجد المصري: أجسد شخصية أب قاسٍ بـ خمس جولات.. ومصطفى درويش كان من أعمدة العمل