ميدو: مفيش حاجة بتقول محمد شريف يرجع مصر على نادي معين
أوضح أحمد حسام ميدو أن رحيل محمد شريف عن الأهلي إلى صفوف فريق الخليج السعودي قرار موفق من النادي الأهلي.
ميدو: مفيش حاجة بتقول محمد شريف يرجع مصر على نادي معين
وقال ميدو في تصريحات تلفزيونية: رحيل محمد شريف عن الأهلي في الوقت الحالي صحيح بنسبة 100% خاصة أن عقده لا يزال ممتدا لعام ويكون لاعب حر، لذلك ما يفعله الأهلي صحيح، وبدلا من خسارة محمد شريف مجانا، يستفيد الأهلي بالأموال وبالعرض الخليجي.
وأضاف: صلاح محسن قادر على القيام بنفس دور محمد شريف في الأهلي، ولكن ما أقوم بتوضيحه، مفيش حاجة في قوانين الفيفا بتقول إن محمد شريف لو رجع الدوري المصري يرجع على ناد معين، في نسبة بيع بس ده اللي بيمنحه ليك فيفا غير كده لا.
وعن تعليق روي فيتوريا المدير الفني لمنتخب مصر، قال: سعيد جدا باحتراف محمد شريف في الدوري السعودي، وسيساهم بشكل كبير في تألقه وزيادة خبراته وهذا الأمر سوف يسعد محمد شريف.
محمد شريف: محدش يتشرط على الأهلي
وكان محمد شريف قال عبر فيسبوك بعد رحيله عن الأهلي: وجب التوضيح، عشت جوه النادي الأهلي 6 سنين من عمري واجب عليا والتزاما مني تجاه النادي أخرج وأنا شخص مسئول ولذلك، أنا من طلبت من النادي الأهلي اخذ كل الاحتياطات لضمان حقوق عودتي من جديد للدوري المصري من خلاله فقط أو العرض عليه أولا قبل العودة لمصر، والأهلي مفيش حد يتشرط.
