كارمن سليمان: الغناء سبب ابتعادي عن التمثيل.. ولقب صوت مصر بيروح وييجي
أكدت الفنانة كارمن سليمان أن ابتعادها عن مجال التمثيل يرجع لعشقها إلى الغناء، موضحا أنها لا تمانع المشاركة في أعمال فنية إذا عرض عليها ما يناسبها.
وقالت كارمن سليمان في تصريحات لـ القاهرة 24: مشغولة بالغناء علشان كده بعيدة عن التمثيل، أنا بحب السينما والتمثيل ولكن مقدرة قد إيه التمثيل متعب.
واستكملت: الغناء موهبتي اللي مولودة بها والتمثيل بحبه، وأكيد لو أتعرض عليا حاجة أقدر أعملها مش هرفض.
كما تطرقت كارمن سليمان للحديث عن صوت مصر، قائلة: صوت مصر الجمهور هو اللي بيتكلم فيه مقدرش أقول مين صوت مصر لأنه بيروح وييجي، وطالما الجمهور بيحبك وبيشجعك ده أهم حاجة، وموضوع الألقاب بالنسبة ليا مش مهم.
أعمال كارمن سليمان
يذكر أن كارمن سليمان طرح مؤخرًا أغنية يا جمالك بتوزيع جديد، وذلك بعد النجاح التي حققته النسخة الأولى من الأغنية منذ طرحها على موقع يوتيوب، وهي من ألحان عزيز الشافعي، ومن توزيع نوفو وعيسى وميكس وماستر ماهر صلاح وإخراج داشيو.
وشاركت كارمن جمهورها مقطع من الأغنية عبر انستجرام، وعلقت قائلة: أغنية يا جمالك بتوزيع جديد موجودة دلوقتي على اليوتيوب وكل المنصات الموسيقية اسمعوها وقولولي رأيكم.
كلمات أغنية يا جمالك
وتقول كلمات أغنية يا جمالك: في عيني يا حبيبي، إنت أحلى من الناس جميعهم، حضورك ظهورك ونورك، كل الصفات الجميلة جاميعهم، في عيني يا حبيبي، يا جمالك يا جمالك، بالي راق لما أنا شغلت بالك واللي عايز هنايا يسيبني في حضنك يسيبني.
