تيام قمر: كواليس أولاد حريم كريم كانت مبهجة وعلى طول غنا وهزار
كشف الفنان تيام قمر، طبيعة كواليس فيلم أولاد حريم كريم، التي وصفها بأنها مبهجة، نظرًا لكم المرح والغناء بها طوال الوقت.
وقال تيام قمر، خلال حواره مع القاهرة 24: كواليس أولاد حريم كريم كانت مبهجة وكنا بنحب بعض أوي وشغالين بالروح دي مع بعض، كلنا كنا شغالين وإحنا مرتاحين فكلنا عايزين الفيلم ينجح، وكل واحد واخد راحته وده باين للناس على الشاشة، وعلى طول فيه غنا وهزار وضحك.
كما كان تحدث بطل العمل الفنان مصطفى قمر، عن فيلم أولاد حريم كريم، مشيرًا إلى انتظار الجمهور الكبير له، وقال في حواره مع القاهرة 24: الناس عندها فضول تجاه فيلم أولاد حريم كريم وعايزة تشوفه، عايزين يعرفوا إيه اللي حصل والأبطال عملوا إيه، وهل الجزء ده أحلى ولا الجزء الأول، بس اللي حصل في العرض الخاص للعمل في القاهرة أثبت حاجات كتير.
مصطفى قمر يكشف سبب غياب ياسمين عبد العزيز عن أولاد حريم كريم
كما كشف مصطفى قمر سبب غياب الفنانة ياسمين عبد العزيز من هذا الجزء من فيلم حريم كريم، وقال: ياسمين عبد العزيز مش موجودة في الفيلم؛ لأن المؤلفة زينب عزيز كاتبة الجزء التاني دراميًا بشكل معين، هي كاتباه إنه يكون أرمل، عشان عايزة تخلق قصص حب جديدة عنده.
فيلم أولاد حريم كريم
ويضم فيلم أولاد حريم كريم، عددا من الفنانين، أبرزهم الفنانة داليا البحيري، مصطفى قمر، بسمة، علا غانم، بشرى، رنا رئيس، وغيرهم، والعمل من إخراج علي إدريس.
