لاعب الزرقاء بدمياط عن رفض إعطائه الاستغناء الخاص به: اللاعبون في النادي عبارة عن عبيد
تحدث أحمد سميح بلبولة، لاعب فريق الزرقاء بدمياط، عن رفض نادي الزرقاء إعطائه الاستغناء الخاص به، وقيده فى قائمة الفريق للموسم الجديد.
تصريحات مثيرة من لاعب الزرقاء
وقال بلبولة، عبر صفحته الرسمية على الفيسبوك: شكرا نادي الزرقا الرياضي، بجد حاجة جميله جدا في الكورة، حاجة تفرح، حدث ولا حرج، بخصوص نادي الزرقا اللي هيفضل طول عمره كده بيستعبد لاعيبة مفيش أي تعامل إن ده إنسان أو بني آدم طول عمره.
وأضاف بلبولة، فى تصريحاته: هو كده رئيس نادي المفروض بس دي عزبة بتاعته ومباح ليه أي حاجة ولاعيبه دي عبيد عنده، بجد أي لاعب كورة محترم ميجيش دمياط مفيش كورة هنا، هنا نصب نصب نصب قلة أدب أنت مش لاعب كورة، أنت شغال عنده عبد.
وتابع: ياريت عاجب لا ده زعلان، على العموم لسه فيه كلام كتير، وأنا كده كده بطلت كورة، أنت بقي شوف هتقابل ربنا إزاي، حسبي الله ونعم الوكيل فيك.
وعلى صعيد متصل، يخوض فريق الزرقاء استعدادته للموسم الجديد، بعد تعيين محمد المحالي مديرًا فنيًا للفريق، ويسعى الفريق إلى العودة مجددًا إلى دوري الدرجة الثانية مرة أخرى بعد الهبوط الموسم قبل الماضي.
