شاب يستغيث لعلاج ابنته من ضمور العضلات: بترعب من فكرة إنها تروح مني.. ونفسي حد يساعدني | بث مباشر
استغاث الشاب كريم، من منطقة المعادي في محافظة القاهرة، بالمسئولين، لعلاج نجلته من مرض ضمور العضلات.
استغاثة شاب لعلاج نجلته من مرض ضمور العضلات بالمعادي
وقال الشاب كريم إن نجلته تبلغ من العمر عاما ونصف العام، وظهر عندها هذا المرض عندما لاحظوا أنها لا يمكنها الحركة، مضيفا: روحت لدكاترة خاصة كتير ولكن محدش جاب معاها نتيجة، لحد ما وديتها مستشفى خاصة وقالولي إنها عندها مرض ضمور العضلات.
وأوضح الشاب كريم أن نجلته حالتها تسوء يوما بعد يوم، وأنها حاليًا لا يمكنها الحركة تماما، مضيفة: فاضل تحليل واحد بس ده اللي هيحدد إذا كان المرض اللي عندها له علاج أو لا، ولكن إحنا مش قادرين نعمل التحليل ده لأنه بيتعمل برا مصر وأنا مش قادر على تكاليفه.
وأضاف أنه منذ مرض نجلته وهو يعاني ماديا ونفسيا بشكل كبير جدا، معقبًا: لها علاج أسبوعيا يتجاوز 400 جنيه.. بالإضافة للتحاليل والجلسات التي تجريها في المستشفى من وقت لآخر، مشيرًا إلى أن أسباب مرض ابنته بهذا المرض أنه متزوج من إحدى أقاربه، وهذا المرض نتيجة مشاكل وراثية.
واختتم الشاب كريم: أنا خايف بنتي تروح مني.. أنا أكتر فكرة بتخليني معرفش أشتغل ولا أعمل حاجة هي فكرة إنها ممكن تروح مني.. نفسي حد يساعدني وبنتي تتعالج.
