تفاصيل إنهاء ريم طارق خلافاتها مع حسن شاكوش: راجل محترم وخدت حقوقي الشرعية | بث مباشر
نشرت ريم طارق، طليقة مطرب المهرجانات حسن شاكوش، مقطع فيديو تعتذر فيه له عما بدر منها خلال خلافهما الأخير، وتشيد فيه بـ حسن شاكوش، حيث قالت: اللي حصل سوء تفاهم وحسن راجل محترم.
كما أعلنت ريم طارق عن حصولها على جميع مستحقاتها من حسن شاكوش بعد الانفصال، حيث قالت خلال مقطع الفيديو الذي نشرته: الحمد الله.. أخدت كل حقوقي الشرعية من حسن، والحمد لله إني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شيء قسمة ونصيب.
ومن جانبه علق مؤدي المهرجانات الشعبية على الفيديو الذي نشرته طليقته ريم طارق، وإشادتها به بعد حصولها على جميع حقوقها الشرعية منه بعد الانفصال.
وقال حسن شاكوش: أنا أولا بشكرك يا ريم على كلمة الحق اللي قولتيها في حقي دلوقتي وذكرتي إنك مشوفتيش مني غير الخير، وقابل اعتذارك على ما صدر منك وأنا مكنش ليا أي رد فعل قدام الناس ومش من تربيتي إني أشهّر ببنات الناس حتى لو رد على كلام يجرحني أو إساءة لي.
وتابع حسن شاكوش: مع إن ده كان مأثر عليّا نفسيًا وعلى أهلي وكل اللي حوليا وقابل اعتذارك، وعفا الله عما سلف والمسامح كريم، وأتمنالك كل خير في حياتك وأشوفك دايمًا بخير.
