سيدة تحذر من كاميرات على شكل مسامير: الناس اللي بتدخل تقيس في المحلات تخلي بالها
حذرت سيدة في مقطع فيديو نشرته على صفحتها الشخصية فيسبوك، من بعض الكاميرات التي تكون على شكل مسمار ويصعب تمييز كونها كاميرا.
كاميرات على شكل مسامير
وقالت هبة بكر خلال الفيديو الذي نشرته على صفحتها الشخصية: الكاميرا دي عمر ما حد هعرف إنها كاميرا، غير ناس قليلة خصوصًا المتخصيصين اللي شغالين فيها، أو بيبيعوها وهي بتبقى بلونين لون شبه المسمار ولون تاني أسود.
وأضافت محذرة: يا ريت كل الناس تاخد بالها، الكاميرا ديه فيها لؤم ومكر الناس اللي بتدخل تقيس في المحالات تاخد بالها كويس جدًا، لإن دي ممكن تبقى محطوطة قدامك وأنت مش واخد بالك.
وأوضحت هبة علي: أنا مش هظلم كل المحلات لإن فيه محلات كتير محترمة لكن الحذر واجب نخلي بالنا وإحنا بنقيس في أي محل، فيه طرق كتير ممكن تعمل بيها حسابك لو هتدخل تقيس جوا المحل، من غير ما الكاميرا دي تكشفنا، ويا ريت ده يبقى مبدأ عام، لأ الموضوع بقى خطير جدًا، وحاجة زي دي ممكن تعمل كوارث.
وعرضت هبة الكاميرا في الفيديو، وكانت على هيئة سلك رفيع وفي أطرافه جسم يشبه المسمار، الذي إذا ثبت في أي مكان لا يمكن تمييزه أو التعرف عليه، وتأتي تلك الكاميرات التي على شكل مسمار بلونين لون فضي يشبه المسمار الحقيقي، واللون الآخر أسود.
