طليقة حسن شاكوش: لسه القضايا مستمرة بيننا.. ومتفقين أطلع أقول خدت حاجاتي | بث مباشر

ظهرت ريم طارق، طليقة مغني المهرجانات حسن شاكوش، خلال مقطع فيديو عبر حسابها الشخصي على موقع تبادل الصور والفيديوهات انستجرام، تكشف فيه كواليس اعتذارها لمطرب المهرجانات حسن شاكوش، وقالت ريم إن القضايا المرفوعة من جانب الطرفين ما زالت قائمة.

وقالت ريم طارق عبر مقطع الفيديو: عم حسن شاكوش تدخل بينا، وقالي لما تاخدي حقك هتطلعي تقولي إني خدت حاجاتي من الإنسان المحترم.

وأضافت ريم طارق، طليقة حسن شاكوش: الاتفاق بينا نعمل أنا وحسن كل واحد فيديو، وأنا بس اللي عملت ولسه الاتفاق مخلصش، المفروض كان ينزل الفيديو الأيام الجاية ومعرفش إيه لازمة الفيديو ينزله النهاردة.

وتابعت ريم طارق: الحمد لله المشاكل خلصت إلى حد ما يعني، وهو محترم عشان أداني حاجاتي اللي في البيت لأني مكنتش عارفة أخد حاجاتي، وهو إنسان محترم عشان حافظ على حاجاتي لمدة 5 شهور عنده في البيت، وأنا اللي كان حقي مسلوب والحمد لله إني خدتها، لإن دي كانت أكتر حاجة وجعاني مش الماديات.

ومن جانبه، وجه حسن شاكوش رسالة شكر إلى طليقته ريم طارق بعد مقطع الفيديو الذي نشرته، وقال حسن شاكوش عبر مقطع فيديو ظهر فيه: أنا طالع من خلال الفيديو بقول إن أنا وريم حبايب ومفيش أي خلافات ولا مشاكل ومن خلال الفيديو بشكرك جدًا يا ريم إنك قولتي كلمة حق ومشفتيش مني أي حاجة وحشة وأنا قبلت اعتذارك وبتمنالك الخير والنجاح في كل خطواتك اللي جاية.