علينا ديون ومعندناش مصدر دخل تاني.. قصة كفاح سيدة تعمل في الصيد لمساعدة زوجها المريض بالمنوفية | بث مباشر

شهدت قرية كفر خضرا التابعة لمركز ومدينة الباجور في محافظة المنوفية، قصة كفاح سيدة تعمل في مهنة الصيد لمساعدة زوجها في تحمل أعباء المعيشة.

قصة كفاح سيدة تعمل في الصيد لمساعدة زوجها المريض بالمنوفية

وتعمل الحاجة طعمة، التي تبلغ من العمر 53 عاما، في مهنة الصيد على مركب صيد قديم هي وزوجها، ويعملون في هذا المركب منذ أكثر من 30 عاما.

وقالت الحاجة طعمة: بننزل ساعات كل يوم وبنرجع من غير أي سمك، ولكن لازم نشقى ونتعب علشان ظروف المعيشة.

وأشارت الحاجة طعمة إلى أن لديها 4 أبناء، وأنها جهزت نجلتها الكبيرة وقامت بتزويجها من صيد السمك، مضيفة: بنسدد في الديون اللي علينا من جوازة بنتي علشان أجهز بنتي التانية.

وتابعت الحاجة طعمة أنه ليس لديهم أي مصدر دخل آخر غير صيد الأسماك، وتكافح هي وزوجها من أجل تحمل أعباء المعيشة، وأنهم ينزلون كل يوم الساعة الثامنة صباحا.

واستكملت الحاجة طعمة: زوجي مريض وعمل عملية في رجله بسبب وقوفه الكتير بسبب مهنة الصيد، وحاليا مش بيشتغل ولا بيقدر يعمل حاجة.

وأضافت الحاجة طعمة أنهم يعيشون في منزل سقفه من البوص، وناشدت المسئولين: نفسي يبنوا لينا سقف البيت علشان أقدر أعيش فيه أنا وأولادي.. المطرة بتنزل علينا وإحنا في البيت لأن السقف من البوص، وجهاز بنتي وزعته عند الجيران علشان مفيش مكان له في البيت.